Bingana 29:1-27
29 Muntu yina bo me nganina mbala mingi+ kansi yandi ke kumisa kaka nkingu na yandi ngolo*Yandi ta bukana na kintulumukina, mpila ya kubeluka ta vanda ve.+
2 Kana bantu ya lunungu kele mingi, bantu ke vandaka na kiese,Kansi kana muntu ya mbi ke yala, bantu ke dilaka na ntima.+
3 Muntu yina ke zolaka mayele ke pesaka tata na yandi kiese,+Kansi muntu yina ke taka kinduku ti bankento ya ndumba ke yonikaka kimvwama na yandi.+
4 Na nsadisa ya lunungu, ntotila ke salaka nde insi na yandi kuvanda ngolo,+Kansi muntu yina ke sosaka avoka ke bebisaka insi na yandi.
5 Muntu yina ke lebaka nkweno na yandiKe yalumunaka bukondi sambu na makulu na yandi.+
6 Mambi ya muntu ya mbi ke kangaka yandi na mutambu,+Kansi muntu ya lunungu ke bokaka na kiese mpi ke yangalalaka.+
7 Muntu ya lunungu ke kudiyangisaka sambu na banswa ya bansukami,+Kansi muntu ya mbi ke kudiyangisaka ve mutindu yina.+
8 Bantu ya ke kudikumisaka ke tulaka mbanza tiya,+Kansi bantu ya mayele ke lembikaka makasi.+
9 Kana muntu ya mayele kutulana ntembe ti zoba,Yo ta basisa makasi mpi kuvweza, kansi kiese ve.+
10 Bantu yina ke zolaka kutiamuna menga ke mengaka muntu yina me sala kima ve,*+Mpi bo ke sosaka kufwa* muntu ya mbote.*
11 Zoba ke basisaka mawi* na yandi yonso,+Kansi muntu ya mayele ke yalaka yo na pima yonso.+
12 Kana mfumu ke tula dikebi na mambu ya luvunu,Bansadi na yandi yonso ta vanda bantu ya mbi.+
13 Nsukami mpi muntu yina ke niokulaka bantu kele ti diambu yai na kimvuka:*
Yehowa ke pesaka nsemo na meso na bo zole.*
14 Kana ntotila ke sambisa bansukami na lunungu,+Kiti na yandi ya kimfumu ta vanda ngolo ntangu yonso.+
15 Fimbu* mpi kunganina ke pesaka mayele,+Kansi mwana yina bo me pesa nzila ya kusala mambu yonso ke pesaka mama na yandi nsoni.
16 Kana bantu ya mbi kukuma mingi, mambi ke kumaka mingi,Kansi bantu ya lunungu ta mona kubwa na bo.+
17 Pesa mwana na nge ndola ebuna yandi ta natila nge ngemba;Mpi yandi ta pesa nge* kiese mingi.+
18 Kisika mbona-meso* kele ve, bantu ke salaka mambu kukonda kudiyala,+Kansi kiese na bantu yina ke zitisaka nsiku.+
19 Nsadi ta bika ve nde bo sungika yandi na bangogo,Sambu ata yandi ke bakisa, yandi ke lemfuka ve.+
20 Keti nge me monaka muntu yina ke basisaka bangogo na yandi ntinu-ntinu?+
Kivuvu kele mingi sambu na zoba kuluta sambu na yandi.+
21 Kana bo ke pesa nsadi konso kima yina yandi ke zola katuka kileke na yandi,Na nima yandi ta kuma muntu ya me konda ntonda.
22 Muntu yina ke waka makasi nswalu ke basisaka kuswana;+Konso muntu yina ke waka nganzi nswalu ke salaka mambu mingi ya mbi.+
23 Lulendo ya muntu ta kulumusa yandi,+Kansi muntu yina kele na mpeve ya kudikulumusa ta baka nkembo.+
24 Nduku ya muyibi ke kudimengaka.*
Yandi lenda wa bo ke binga na ndinga ya ngolo sambu na kukwisa kuta kimbangi,* kansi yandi ke tuba kima ve.+
25 Kutekita na ntwala* ya bantu kele* mutambu,+Kansi muntu yina ke tulaka ntima na Yehowa, bo ta tanina yandi.+
26 Bantu mingi ke sosaka kusolula ti mfumu,*Kansi lunungu ke katukaka na Yehowa.+
27 Bantu ya lunungu ke mengaka muntu ya kukonda lunungu,+Kansi muntu yina nzila na yandi kele ya kusungama kele kima ya nzanzi na meso ya muntu ya mbi.+
Banoti na nsi ya lutiti
^ To “yandi kele kaka ntu-ngolo.”
^ To “muntu ya kukonda kifu.”
^ To “kufwa moyo ya.”
^ To mbala ya nkaka, “Kansi muntu ya mbote ke sosaka kutanina luzingu na yandi.”
^ Na kisina, “mpeve.”
^ Na kisina, “ke kutana kumosi.”
^ Disongidila, Yandi ke pesaka bo luzingu.
^ To “Malongi; Ndola.”
^ To “moyo na nge.”
^ To “mbona-meso ya mbikudulu; kusonga.”
^ To “ke mengaka moyo na yandi.”
^ Na kisina, “wa ndefi yina kele ti lusingu.”
^ To “Boma.”
^ To “ke tulaka.”
^ To mbala ya nkaka, “ke sosaka nde mfumu kundima bo.” Na kisina, “ke sosaka luse ya mfumu.”
