Bingana 24:1-34

  • Kulula ve bantu ya mbi (1)

  • Mayele ke tungaka nzo (3)

  • Muntu ya lunungu lenda bwa, kansi yandi ta telama (16)

  • Kuvutula ve mbi na mbi (29)

  • Kulala mwa fioti ke nataka kinsukami (33, 34)

24  Kulula ve bantu ya mbi,Mpi kuwa ve nzala ya ngolo ya kuvanda kumosi ti bo,+   Sambu ntima na bo ke yindululaka mambu ya nku,Mpi munoko na bo ke tuba mambu ya mavwanga.   Mayele ke tungaka nzo,*+Mpi bo ke kumisaka yo ngolo na luswasukusu.   Na nzayilu, basuku na yo ke fulukakaTi bimvwama ya ntalu mpi ya kitoko ya mitindu yonso.+   Muntu ya mayele ke vandaka muntu ya ngolo,+Mpi muntu ke kumisaka ngolo na yandi mingi na nzayilu.   Nge ta nwana bitumba na nge na nsadisa ya lutwadisu ya mayele,+Mpi na nzila ya bandongisi mingi mambu ke nungaka.*+   Zoba lenda baka ve mayele ya kieleka;+Yandi kele ve na kima ya kutuba na kielo ya mbanza.   Konso muntu yina ke kanaka mambu ya mbiBo ta binga yandi mfumu ya bangindu ya mbi.+   Balukanu ya buzoba* kele masumu,Mpi bantu ke mengaka muntu ya ke sekaka bantu.+ 10  Kana nge lemba nitu na kilumbu ya mpasi,*Ngolo na nge ta vanda fioti. 11  Gulusa bantu yina bo ke nata na lufwa,Mpi simba bantu yina ke kwenda na lufwa na lunziungu.+ 12  Kana nge tuba nde, “Kansi beto zabaka ve diambu yai,” Keti Muntu yina ke talaka bantima* ke bakisa yo ve?+ Ee, Muntu yina ke kengilaka nge* ta zabaMpi yandi ta futa konso muntu na kutadila kisalu na yandi.+ 13  Mwana na mono, dia bwiki sambu yo kele mbote;Bwiki ya me katuka na nzo ya bwiki ke vandaka ntomo na ludimi. 14  Mutindu mosi, zaba nde mayele kele mbote sambu na nge.*+ Kana nge mona yo, nge ta vanda ti makwisa ya mboteMpi kivuvu na nge ta fwa ve.+ 15  Kubumbana ve pene-pene ya nzo ya muntu ya lunungu sambu na kusala yandi mbi;Kubebisa ve kisika na yandi ya kupema. 16  Sambu muntu ya lunungu lenda bwa mbala nsambwadi, mpi yandi ta telama diaka,+Kansi bantu ya mbi ta bula sakuba sambu na mpasi.+ 17  Kana mbeni na nge kubwa, kuyangalala ve,Mpi kana yandi bula sakuba, kubika ve ntima na nge kuvanda na kiese;+ 18  Kana ve, Yehowa ta mona yo mpi ta wa ve kiese,Mpi yandi ta katula makasi na yandi na muntu yina.*+ 19  Kuwa ve makasi* sambu na bantu ya mbi;Kulula ve bantu ya mbi, 20  Sambu makwisa kele ve sambu na konso muntu ya mbi;+Mwinda ya bantu ya mbi ta fwa.+ 21  Mwana na mono, wa Yehowa mpi ntotila boma.+ Mpi kuvukana ve ti bankolami,*+ 22  Sambu mpasi na bo ta kwisa na kintulumukina.+ Nani me zaba mpasi yina bo zole* ta natila bantu yina?+ 23  Bangogo yai mpi kele ya bantu ya mayele: Kupona-pona na ntangu ya kusambisa kele mbote ve.+ 24  Muntu yina ke songa muntu ya mbi nde, “Nge kele muntu ya lunungu,”+ Bantu ta singa yandi mpi makanda ta tungulula yandi. 25  Kansi mambu ta kwendila mbote sambu na bantu yina ke nganina yandi;+Balusakumunu ya bima ya mbote ta kwisila bo.+ 26  Bantu ta pesa beze na bikobo ya muntu yina ke pesaka mvutu na masonga.*+ 27  Yidika kisalu na nge na nganda, mpi yidika bima yonso na kilanga;Na nima tunga nzo* na nge. 28  Kuta ve kimbangi ku- konda kikuma sambu na kubedisa nkweno na nge.+ Kusadila ve munoko na nge sambu na kukusa bantu ya nkaka.+ 29  Kutuba ve nde: “Mono ta sala yandi kaka mutindu yandi me sala mono;Mono ta vutudila yandi mambu yina yandi salaka.”*+ 30  Mono lutaka pene-pene ya kilanga ya molo,+Pene-pene ya kilanga ya vinu ya muntu yina me konda mabanza ya mbote.* 31  Mono monaka yo me fuluka ti matiti ya mbi;Ntoto vandaka ya kufuluka ti banti ya bansende,Mpi kibaka na yo ya matadi vandaka ya kubwa.+ 32  Mono talaka yo mpi tulaka yo na ntima;Mono monaka yo mpi mono bakaka dilongi yai: 33  Mwa mpongi fioti, kulala mwa fioti,Kukanga maboko mwa fioti sambu na kupema, 34  Ebuna kinsukami na nge ta kwisa bonso muyibi,Mpi nzala na nge ta kwisa bonso muntu yina kele ti binwaninu.+

Banoti na nsi ya lutiti

To “bantu ya nzo.”
To “luguluku ke vandaka.”
To “Balukanu ya zoba.”
To “na bantangu ya mavwanga.”
To “bikuma ya ke pusaka bantu na kusala mambu.”
To “moyo na nge.”
To “kele ntomo sambu na moyo na nge.”
Disongidila, mbeni yina.
To “Kuwa ve makasi mingi.”
To “bantu yina ke zola nsoba.”
Disongidila, Yehowa ti ntotila.
To mbala ya nkaka, “Kupesa mvutu na pwelele yonso kele bonso kupesa beze.”
To “bantu ya nzo.”
To “Mono ta vutudila yandi mbi.”
Na kisina, “me konda ntima.”