Bingana 23:1-35

  • Vanda mayele ntangu nge me ndima nde bo yamba nge (2)

  • Kulanda ve bimvwama (4)

  • Kimvwama lenda pumbuka mpi kutina nge (5)

  • Kuvanda ve na kati ya bantu yina ke nwaka mingi (20)

  • Malafu ya ke lawusaka ta tatika bonso nioka (32)

23  Kana nge me vanda sambu na kudia kisika mosi ti ntotila,Tadila mbote-mbote bima yina kele na ntwala na nge;   Tula mbele na mungungu na nge*Kana nge kele na nzala ya ngolo ya kudia.*   Kuwa ve nzala ya ngolo ya madia na yandi ya kitoko,Sambu yo kele madia yina ke kusaka.   Kudilembisa ve sambu na kubaka kimvwama.+ Yambula mpi monisa mayele ya kubakisa mambu.*   Kana nge losa meso kuna, yo kele ve pana,+Sambu yo ta tandula kibeni mapapu bonso ngo-zulu mpi ta pumbuka na zulu.+   Kudia ve madia ya muntu yina ke kabaka ve;*Kuwa ve nzala ya ngolo ya madia na yandi ya kitoko,   Sambu yandi kele bonso muntu yina ke tangaka mambu yina salamaka.* Yandi ke tubila nge nde, “dia mpi nwa,” kansi yandi ke tuba ve kieleka.*   Nge ta luka bima yina nge me diaMpi nge ta vanda me bebisa mambu ya nge tubaka sambu na kusikisa yandi.   Kutuba ve na makutu ya zoba,+Sambu yandi ta vweza mayele ya bangogo na nge.+ 10  Kuvutula ve nima kidimbu ya ndilu ya ntama+Mpi kubaka ve malembe-malembe kilanga ya bana ya me konda batata. 11  Sambu Muntu yina ke nwaninaka* bo kele ngolo;Yandi ta baka diambu na bo sambu na kunwanisa nge.+ 12  Tula ntima na nge na malongiMpi tula dikutu na nge na bangogo yina kele ti nzayilu. 13  Kubuya ve kupesa mwana-bakala*+ ndola. Kana nge bula yandi fimbu, yandi ta fwa ve. 14  Nge fwete bula yandi fimbu,Sambu na kugulusa yandi* na Maziamu.* 15  Mwana na mono, kana ntima na nge kukuma mayele,Ntima na mono ta wa kiese.+ 16  Mono ta vanda na kiese na kati na mono kibeni*Ntangu munoko na nge ta tuba mambu ya mbote. 17  Bika ntima na nge kulula ve bansumuki,+Kansi vanda na boma ya Yehowa kilumbu ya mvimba,+ 18  Ebuna nge ta vanda ti makwisa ya mbote+Mpi kivuvu na nge ta fwa ve. 19  Mwana na mono, wa mpi kuma mayele,Mpi nata ntima na nge na nzila ya mbote. 20  Kuvanda ve na kati ya bantu yina ke nwaka vinu mingi kibeni,+Mpi na kati ya bantu yina ke diaka misuni ti lukasi,+ 21  Sambu muntu yina ke lawukaka malafu mpi muntu yina ke diaka mbiki ta kuma bansukami,+Mpi mpongi ta sala nde muntu kulwata bilele ya kupasuka. 22  Wila tata na nge yina butaka nge,Mpi kuvweza ve mama na nge kaka sambu yandi me nuna.+ 23  Sumba* kieleka mpi kuteka yo ve ata fioti,+Mpi sumba mayele, malongi, mpi mayele ya kubakisa mambu.+ 24  Tata ya muntu ya lunungu ta vanda kibeni na kiese;Muntu yina me buta mwana ya mayele ta yangalala sambu na yandi. 25  Tata na nge ti mama na nge ta wa kiese,Mpi nkento yina butaka nge ta yangalala. 26  Mwana na mono, pesa mono ntima na nge,Mpi bika meso na nge kuwa kiese na banzila na mono.+ 27  Sambu nkento ya ndumba kele dibulu ya mudindu,Mpi nkento ya mansoni* kele dibulu ya masa yina kele nkaka.+ 28  Yandi ke bumbanaka sambu na kuvingila bonso muyibi;+Yandi ke kumisaka mingi ntalu ya babakala yina me konda kwikama. 29  Banani kele na mawa? Banani ke kudiyangisa? Banani ke swana? Banani ke bokuta? Banani kele ti bamputa kukonda kikuma? Banani me kuma meso mbwaki?* 30  Bantu yina ke lutisaka ntangu mingi na kunwa vinu;+Bantu yina ke sosaka* vinu ya bo me vukisa. 31  Kutala ve mbwaki ya vinuNtangu yo ke sema na dikopa mpi ke kulumuka kukonda mpasi, 32  Sambu na nsuka, yo ke tatikaka bonso nioka,Mpi yo ke basisaka ndikila bonso kiwuta. 33  Meso na nge ta mona mambu ya kuyituka,Mpi ntima na nge ta tuba mambu yina me fwana ve.+ 34  Mpi nge ta vanda bonso muntu yina me lala na kati-kati ya nzadi-mungwa,Bonso muntu yina me lala na nsongi ya dikunzi ya bo ke kangisaka lele ya maswa. 35  Nge ta tuba nde: “Bo bulaka mono, kansi mono waka ve.* Bo tutaka mono, kansi mono zabaka ve. Inki ntangu mono ta telama?+ Mono ta vanda na nzala ya kunwa diaka.”*

Banoti na nsi ya lutiti

To “Kudiyala.”
To “nge kele ti moyo yina kele ti nzala mingi.”
To mbala ya nkaka, “Yambula mayele na nge ya kubakisa mambu.”
To “ya muntu yina kele ti disu ya mbi.”
To “muntu yina ke kanaka na moyo na yandi.”
Na kisina, “kansi ntima na yandi kele ve ti nge.”
To “Muntu yina ke sumbululaka.”
To “mwana; leke.”
To “moyo na yandi.”
To “Sheole,” disongidila, maziamu ya bantu yonso. Tala Bantendula ya Bangogo.
Na kisina, “Bapiku na mono ta vanda na kiese.”
To “Baka.”
Na kisina, “ya munzenza.” Tala Bin 2:16.
To “meso mudidi.”
To “yina ke vukanaka sambu na kumeka.”
To “mono waka mpasi ve.”
To “mono ta sosa yo diaka.”