Bingana 22:1-29

  • Zina ya mbote kele mbote kuluta kimvwama mingi (1)

  • Malongi ya bo ke pesaka na kileke ta zinga luzingu ya mvimba (6)

  • Molo ke waka boma ya ntambu yina kele na nganda (13)

  • Ndola ke katulaka buzoba (15)

  • Nsadi ya me zaba kisalu mbote ke sadilaka bantotila (29)

22  Zina ya mbote* kele mbote kuluta kimvwama mingi;+Kuvanda ti luzitu* kele mbote kuluta arza mpi wolo.   Mvwama mpi nsukami kele ti diambu yai na kimvuka:* Yehowa muntu salaka bo.+   Muntu ya mayele ke monaka kigonsa mpi ke bumbanaka,Kansi bantu yina me konda mayele ke kwendaka kaka na ntwala mpi bo ke kutanaka ti bampasi.*   Kudikulumusa mpi boma ya Yehowa ke pesakaBimvwama, nkembo, mpi luzingu.+   Bansende mpi mitambu kele na nzila ya muntu ya nioka-nioka,Kansi muntu yina ke bakaka luzingu* na yandi na mfunu ke vandaka ntama ti yo.+   Longa mwana-bakala* na nzila yina yandi fwete kwenda;+Ata ntangu yandi ta kuma mbuta, yandi ta yambula yo ve.+   Mvwama ke yalaka bansukami,Mpi muntu yina me defa kele mpika ya muntu yina defisaka yandi.+   Muntu yina ke kuna kukonda lunungu ta katula mpasi,+Mpi fimbu ya makasi na yandi ta suka.+   Muntu ya ke kabaka* ta baka lusakumunu,Sambu yandi ke kabulaka madia na yandi ti nsukami.+ 10  Kula muntu yina ke sekaka bantu,Ebuna kuswana ta mana;Bantembe* mpi mafingu ta mana. 11  Muntu yina ke zolaka ntima ya mpembe mpi yina ke tubaka ti maweteNtotila ta vanda nduku na yandi.+ 12  Meso ya Yehowa ke taninaka nzayilu,Kansi yandi ke bwisaka bangogo ya muyekudi.+ 13  Molo ke tuba nde: “Ntambu kele na nganda! Yo ta fwa mono na kati-kati ya bala-bala ya nene!”+ 14  Munoko ya nkento ya ntu-ngolo* kele dibulu ya mudindu.+ Muntu yina Yehowa me bedisa ta bwa muna. 15  Buzoba kele ya kukangama na ntima ya mwana-bakala,*+Kansi fimbu ya ndola ta katula yo ntama ti yandi.+ 16  Muntu yina ke kusa nsukami sambu na kukumisa kimvwama na yandi mingi,+Mpi muntu yina ke pesa mvwama makabu,Bo ta kuma bansukami. 17  Tula dikutu mpi wa mambu yina bantu ya mayele ke tuba,+Sambu na kutula ntima na nge na nzayilu na mono,+ 18  Sambu yo kele mbote na kutanina yo na ntima na nge,+Sambu mambu yina yonso kuvanda na munoko na nge ntangu yonso.+ 19  Sambu nge tudila Yehowa ntima,Mono ke pesa nge nzayilu bubu. 20  Keti mono me sonikilaka nge veSambu na kupesa nge bandongisila mpi nzayilu, 21  Sambu na kulonga nge bangogo ya kieleka mpi yina bo lenda tudila ntima,Sambu nge vutuka ti nsangu ya sikisiki na muntu yina tindaka nge? 22  Kuyiba ve nsukami sambu yandi kele nsukami,+Mpi kubedisa ve muntu ya kukonda mfunu na kielo ya mbanza,+ 23  Sambu Yehowa yandi mosi ta samba diambu na bo+Mpi yandi ta fwa* bantu yina ke kusaka bo. 24  Kuvanda ve na kinduku ti muntu yina ke waka makasi nswaluMpi kuvukana ve ti muntu yina ke waka nganzi mpamba-mpamba, 25  Sambu nge longuka ve ata fioti banzila na yandiMpi nge kudikotisa ve* na mutambu.+ 26  Kuvanda ve na kati ya bantu yina ke pesanaka mbote ya maboko sambu na kuwakana,Yina ke ndimaka kufutila bantu bamfuka.+ 27  Kana nge kele ve ti kima ya kufuta,Bo ta botula mbeto na nge! 28  Kuvutula ve nima kidimbu ya ndilu ya ntamaYina ba-nkaka na nge tulaka.+ 29  Keti nge me mona muntu yina me zaba kisalu na yandi mbote? Yandi ta telama na ntwala ya bantotila;+Yandi ta telama ve na ntwala ya bantu ya mpamba.

Banoti na nsi ya lutiti

To “Lukumu ya mbote.” Na kisina, “Zina.”
Na kisina, “Kundimama.”
Na kisina, “me kutana.”
To “ke bakaka ndola.”
To “moyo.”
To “mwana; leke.”
Na kisina, “Muntu yina kele na disu ya mbote.”
To “Mambu ya kusamba.”
Na kisina, “ya munzenza.” Tala Bin 2:16.
To “mwana; leke.”
To “ta yiba moyo ya.”
To “nge kotisa ve moyo na nge.”