Bingana 18:1-24
18 Muntu yina ke kudivandilaka ke sosaka banzala na yandi ya bwimi;Yandi ke buyaka* mayele yonso.
2 Zoba ke zolaka ve mayele ya kubakisa mambu;Kansi yandi ta basisa mambu yina kele na ntima na yandi.+
3 Ntangu muntu ya mbi ke kwisaka, kuvweza mpi ke kwisaka,Mpi kukonda lukumu kele kisika mosi ti nsoni.+
4 Bangogo ya munoko ya muntu kele bamasa ya mudindu.+
Nto ya mayele kele masa ya fioti ya ke kulumuka.
5 Yo kele mbote ve na kumonisila muntu ya mbi kikalulu ya kupona-pona+To kubedisa muntu ya lunungu na ntangu ya kusambisa.+
6 Kutuba ya zoba ke nataka na kuswana,+Mpi munoko na yandi ke nataka fimbu.+
7 Munoko ya zoba kele lufwa na yandi,+Mpi bikobo na yandi kele mutambu sambu na luzingu* na yandi.
8 Bangogo ya muntu yina ke kusilaka bantu makambu kele bonso madia ya ntomo;*+Bo ke minaka yo mbala mosi mpi yo ke kulumukaka tii na divumu.+
9 Konso muntu yina kele molo na kisalu na yandiKele mpangi ya muyibi.+
10 Zina ya Yehowa kele nzo-zulu ya ngolo.+
Muntu ya lunungu ke tinaka kuna mpi yandi ke bakaka lutaninu.*+
11 Kimvwama ya mvwama kele mbanza na yandi ya ngolo;Yo kele bonso kibaka ya lutaninu na mabanza na yandi.+
12 Na ntwala ya kubwa, ntima ya muntu ke kumaka lulendo,+Mpi kudikulumusa ke vandaka na ntwala ya nkembo.+
13 Kana muntu kupesa mvutu na diambu mosi na ntwala nde yandi wa banzikisa,Yo kele buzoba mpi nsoni.+
14 Mpeve ya muntu lenda sadisa yandi na ntangu yandi ke bela,+Kansi mabanza yina ke niokwama,* nani lenda kuka yo?+
15 Ntima ya muntu yina kele ti mayele ya kubakisa mambu ke bakaka nzayilu,+Mpi dikutu ya muntu ya mayele ke sosaka nzayilu.
16 Dikabu yina muntu ke pesa ke kangudilaka yandi nzila;+Yo ke nataka yandi na ntwala ya bantu ya nene.
17 Muntu ya ntete na kutuba na ntangu ya kusamba mambu ke monanaka muntu ya lunungu,+Tii kuna muntu ya nkaka ke kwisaka mpi ke yulaka yandi bangiufula mbote-mbote.*+
18 Kubula zeke ke sukisaka kuswana+Mpi yo ke zengaka mambu na kati ya* bambeni ya ngolo.
19 Mpangi yina bo me sala mbi ke kumaka makambu ngolo kuluta mbanza ya ngolo,+Mpi kele ti kuswana yina kele bonso banti ya bo ke kangilaka nzo ya ngolo.+
20 Mambu yina muntu ke tubaka na munoko na yandi kele bonso madia yina ke fulusa divumu na yandi;+Yandi ta fuluka ti mambu yina munoko na yandi ke basisa.
21 Lufwa mpi luzingu kele na nsi ya kiyeka ya ludimi;+Bantu yina ke zolaka kusadila yo ta dia mbuma na yo.+
22 Muntu yina me zwa nkento ya mbote, yandi me zwa kima mosi ya mbote,+Mpi Yehowa ke ndimaka yandi.+
23 Nsukami ke bondilaka kana yandi ke tuba,Kansi mvwama ke pesaka mvutu ti kungana.
24 Kele ti banduku yina ke vandaka ya kuyilama na kusalana mbi,+Kansi kele ti nduku yina ke kangamaka ngolo kuluta mpangi.+
Banoti na nsi ya lutiti
^ To “ke vwezaka.”
^ To “moyo.”
^ To “bonso madia yina bo fwete mina na lukasi.”
^ Na kisina, “mpi bo ke nangulaka yandi na zulu,” disongidila, kisika yina muntu lenda kuma ve, na lutaninu.
^ To “kukonda kivuvu kimakulu.”
^ To “ke talaka yandi mbote-mbote.”
^ Na kisina, “ke kabulaka.”
