Bingana 17:1-28

  • Kuvutula ve mambi kana muntu kusadila nge mambote (13)

  • Katuka na ntwala nde kuswana kuyantika (14)

  • Nduku ya kieleka ke zolaka konso ntangu (17)

  • “Ntima ya kiese kele nkisi ya mbote” (22)

  • Muntu ya luswasukusu ke yalaka bangogo na yandi (27)

17  Kitini ya dimpa ya kuyuma kisika ngemba* kele, kele mbote+Kuluta nzo yina me fuluka ti bankinsi* kumosi ti kuswana.+   Nsadi yina kele ti mayele ya kubakisa mambu mbote-mbote ta yala mwana yina ke sala mambu ya nsoni;Yandi ta baka mpi dikabu ti bampangi.   Nzungu ya kukatudila mvindu kele sambu na arza mpi fulu ya tiya sambu na wolo,+Kansi Yehowa muntu ke talaka bantima.+   Muntu ya mbi ke tulaka dikebi na bangogo ya ke pesaka mpasi,Mpi muntu ya ke kusaka ke widikilaka kutuba ya mbi.+   Muntu yina ke seka nsukami ke finga muntu yina salaka yandi,+Mpi muntu yina ke wa kiese na mpasi ya muntu ya nkaka fwete baka kibeni ndola.+   Bantekolo kele mpu ya kimfumu sambu na minunu,Mpi batata* kele nkembo ya bana na bo.   Bangogo ya kusungama* me fwana ve na zoba.+ Ebuna bangogo ya luvunu me fwana ve kibeni na mfumu!*+   Dikabu kele bonso ditadi ya ntalu na munkwa na yo;*+Konso kisika ya yandi ke kwenda, yo ke nungisa yandi.+   Muntu yina ke lolula* mbi ke sosaka zola,+Kansi muntu yina ke tubila diambu mosi konso ntangu ke kabulaka banduku ya ngolo.+ 10  Kunganina ke vandaka ti bupusi ya ngolo na muntu yina kele ti mayele ya kubakisa mambu+Kuluta kubula zoba mbala nkama.+ 11  Muntu ya mbi ke sosaka kaka kukolama,Kansi bo ta tinda kinati-nsangu ya nku sambu na kupesa yandi ndola.+ 12  Kukutana ti urse yina bo me botula bana kele mboteKuluta kukutana ti zoba na buzoba na yandi.+ 13  Kana muntu kuvutula mbi sambu na mambote,Mbi ta katuka ve na nzo na yandi.+ 14  Kuyantikisa bitumba kele bonso kukangula bakielo ya masa;*Na ntwala nde kuswana kuyantika, katuka pana.+ 15  Muntu yina ke nungisa muntu ya mbi mpi muntu yina ke bedisa muntu ya lunungu+—Bo zole kele nzanzi na meso ya Yehowa. 16  Inki mfunu kana zoba kubaka mayeleNtangu yandi kele ve ti ntima ya kubaka yo?*+ 17  Nduku ya kieleka ke zolaka konso ntangu,+Mpi yandi kele mpangi yina me butukaka sambu na bantangu ya mpasi.+ 18  Muntu yina me konda mabanza ya mbote* ke pesaka mbote ya maboko mpi ke ndimakaNa kufuta mfuka* ya muntu ya nkaka na meso ya nkweno na yandi.+ 19  Muntu yina ke zolaka mavwanga ke zolaka mambi.+ Konso muntu yina ke nangula mingi kisika na yandi ya kukotila ke sosa kubwa.+ 20  Muntu yina kele ntima mbi ta nunga ve,*+Mpi muntu yina ke tubaka luvunu mpasi ta bwila yandi. 21  Muntu yina me buta mwana ya zoba ta vanda na mawa;Mpi tata ya mwana ya kukonda mayele ke vandaka ve na kiese.+ 22  Ntima ya kiese kele nkisi ya mbote,*+Kansi mabanza ya ke niokwama ke katulaka ngolo ya muntu.*+ 23  Muntu ya mbi ta baka avoka na kinsweki*Sambu na kuzenga mambu na mutindu ya mbi.+ 24  Mayele ke vandaka na ntwala ya muntu ya luswasukusu,Kansi meso ya zoba ke yungana-yunganaka tii na nsuka ya ntoto.+ 25  Mwana ya zoba ke natilaka tata na yandi mawaMpi yandi ke natilaka muntu yina butaka yandi mawa.*+ 26  Kupesa muntu ya lunungu ndola* kele mbote ve,Mpi kubula bantu ya lukumu fimbu ke wakana ve ti mambu ya mbote. 27  Muntu ya kele ti nzayilu ke yalaka bangogo na yandi,+Mpi muntu ya luswasukusu ta bikala pima.*+ 28  Ata zoba, kana yandi bikala pima, bo ta mona yandi muntu ya mayele,Mpi muntu yina me kanga munoko na yandi, bo ta mona yandi muntu ya luswasukusu.

Banoti na nsi ya lutiti

To “pima.”
Na kisina, “bimenga.”
To “bibuti.”
To “ya mbote.”
To “muntu ya lukumu.”
To “kele ditadi yina ke salaka nde munkwa na yo kundimama.”
Na kisina, “ke fika.”
To “bonso kukangula mukinzi.” Na kisina, “kukangula masa.”
To “Ntangu yandi me konda mabanza ya mbote?”
Na kisina, “me konda ntima.”
Na kisina, “na kudipesa bonso kipiku.”
Na kisina, “ta baka ve mambote.”
To “kele mbote sambu na kubeluka.”
To “ke yumisaka mikwa.”
Na kisina, “ta baka avoka na ntulu.”
Na kisina, “bululu.”
To “Kufutisa muntu ya lunungu kibawu.”
Na kisina, “ta bikala ti mpeve ya pima.”