Bingana 15:1-33

  • Mvutu ya pima ke manisaka nganzi (1)

  • Meso ya Yehowa kele bisika yonso (3)

  • Kisambu ya muntu ya kusungama ke pesaka Nzambi kiese (8)

  • Balukanu ke nungaka ve kana kusolula kele ve (22)

  • Yindulula na ntwala ya kupesa mvutu (28)

15  Mvutu ya pima* ke manisaka nganzi,+Kansi ngogo ya nku* ke tedimisaka makasi.+   Ludimi ya bantu ya mayele ke sadilaka nzayilu mbote,+Kansi munoko ya bazoba ke basisaka buzoba.   Meso ya Yehowa kele bisika yonso,Yo ke talaka bantu ya mbi ti bantu ya mbote.+   Ludimi ya pima* kele nti ya luzingu,+Kansi kutuba ya nioka-nioka ke katulaka kivuvu.*   Zoba ke zitisaka ve ndola ya tata na yandi,+Kansi muntu ya mayele ke ndimaka nde bo sungika* yandi.+   Na nzo ya muntu ya lunungu, bima ya ntalu ke vandaka mingi,Kansi bima* ya muntu ya mbi ke natilaka yandi mpasi.+   Munoko ya muntu ya mayele ke mwangaka nzayilu,+Kansi yo kele ve mutindu yina sambu na ntima ya zoba.+   Kimenga ya bantu ya mbi kele kima ya nzanzi na meso ya Yehowa,+Kansi kisambu ya bantu ya mbote ke pesaka yandi kiese.+   Yehowa ke mengaka nzila ya muntu ya mbi,+Kansi yandi ke zolaka muntu yina ke landaka lunungu.+ 10  Ndola ke monanaka diambu ya mbi* na muntu yina ke yambula nzila,+Kansi muntu yina ke mengaka nde bo nganina yandi ta fwa.+ 11  Kana Yehowa lenda mona bantu yina kele na Maziamu* mpi na kisika ya lufwa*+ Yandi lenda mona kibeni mambu yina kele na ntima ya bantu!+ 12  Muntu ya ke vwezaka ke zolaka ve muntu yina ke sungika* yandi.+ Yandi ta lomba ve ndongisila na bantu ya mayele.+ 13  Ntima ya kiese ke salaka nde luse kuvanda na kiese,Kansi mawa ke niokulaka mabanza.+ 14  Ntima yina kele ti mayele ya kubakisa mambu ke sosaka nzayilu,+Kansi munoko ya bazoba ke landaka* buzoba.+ 15  Bilumbu yonso ya muntu yina bo ke monisa mpasi ke vandaka mbi,+Kansi muntu yina kele ti ntima ya kiese* ke vandaka na nkinsi konso ntangu.+ 16  Kuvanda ti bima fioti na boma ya Yehowa kele mbote+Kuluta kuvanda na kimvwama mingi ti basusi.*+ 17  Kudia ndunda kisika zola kele, kele mbote+Kuluta kudia misuni ya ngombe ya mafuta* kisika kimbeni kele.+ 18  Muntu yina ke waka makasi nswalu ke basisaka ntembe,+Kansi muntu yina ke waka ve makasi nswalu ke lembikaka kuswana.+ 19  Nzila ya molo kele bonso lupangu ya bansende,+Kansi nzila ya muntu ya mbote kele bonso nzila ya nene ya kukonda ngumba.+ 20  Mwana ya mayele ke pesaka tata na yandi kiese,+Kansi zoba ke vwezaka mama na yandi.+ 21  Buzoba kele kiese sambu na muntu yina me konda mabanza ya mbote,*+Kansi muntu ya luswasukusu ke kwendaka kaka na ntwala.+ 22  Mambu ya muntu ke zola kusala ke nungaka ve kana kusolula* kele ve,Kansi mambu ke nungaka na nzila ya bandongisi mingi.+ 23  Muntu ke waka kiese na kupesa mvutu ya mbote,*+Mpi ngogo yina bo me tuba na ntangu ya mbote—yo ke vandaka mbote kibeni!+ 24  Sambu na muntu yina kele ti mayele ya kubakisa mambu mbote-mbote, nzila ya luzingu ke nataka na zulu,+Sambu na kukeba yandi na kukulumuka ve na Maziamu* na nsi.+ 25  Yehowa ta bwisa nzo ya bantu ya lulendo,+Kansi yandi ta tanina ndilu ya mufwidi ya nkento.+ 26  Yehowa ke mengaka balukanu ya muntu ya mbi,+Kansi bangogo ya ke pesaka kiese kele bunkete sambu na yandi.+ 27  Muntu yina ke bakaka luta na banzila ya luvunu ke natilaka bantu ya nzo na yandi mpasi,*+Kansi muntu yina ke mengaka avoka ta landa kuzinga.+ 28  Ntima ya muntu ya lunungu ke yindululaka na ntwala ya kupesa mvutu,*+Kansi munoko ya bantu ya mbi ke basisaka mambu ya mbi. 29  Yehowa kele ntama ti bantu ya mbi,Kansi yandi ke waka kisambu ya bantu ya lunungu.+ 30  Meso yina ke sema* ke pesaka kiese na ntima;Nsangu ya mbote ke kumisaka mikwa ngolo.*+ 31  Muntu yina ke waka kunganina ya ke pesaka luzinguKe vandaka kisika mosi ti bantu ya mayele.+ 32  Muntu yina ke buyaka ndola ke vwezaka luzingu* na yandi,+Kansi muntu yina ke waka kana bo nganina yandi ke bakaka mayele ya kubakisa mambu.*+ 33  Boma ya Yehowa ke longaka muntu na kusala mambu na mayele,+Mpi kudikulumusa ke vandaka na ntwala ya nkembo.+

Banoti na nsi ya lutiti

To “ya mawete.”
To “ya ke pesa mpasi.”
To “ya ke belulaka.”
Na kisina, “ke tutaka mpeve.”
To “nganina.”
To “mbongo.”
To “ngolo.”
To “Sheole,” disongidila, maziamu ya bantu yonso. Tala Bantendula ya Bangogo.
To “mpi Abadoni.”
To “ke nganina.”
Na kisina, “ke diaka.”
To “ya mbote.”
To “mavwanga.”
Na kisina, “ya ke diaka na kidikilu.”
Na kisina, “me konda ntima.”
To “masolo ya kinsweki.”
Na kisina, “na mvutu ya munoko na yandi.”
To “Sheole,” disongidila, maziamu ya bantu yonso. Tala Bantendula ya Bangogo.
To “nsoni.”
To “ke tadilaka mbote-mbote mutindu ya kupesa mvutu; ke yindulaka na ntwala ya kutuba.”
To “Kutala ya kiese.”
Na kisina, “mafuta.”
To “moyo.”
Na kisina, “ke bakaka ntima.”