Nkunga 98:1-9
-
Yehowa, Ngulusi mpi Zuzi ya lunungu
-
Yehowa me zabisa nde yandi ke gulusaka (2, 3)
-
Nkunga.
98 Beno yimbila Yehowa nkunga ya mpa,+Sambu yandi me sala bima ya kuyituka.+
Diboko na yandi ya kitata, diboko na yandi ya santu, me gulusa.*+
2 Yehowa me zabisa nde yandi ke gulusaka;+Yandi me monisa lunungu na yandi na ntwala ya makanda.+
3 Yandi me yibuka zola na yandi ya kwikama mpi kwikama na yandi sambu na nzo ya Izraele.+
Ntoto ya mvimba me mona mutindu Nzambi na beto ke gulusaka.*+
4 Ntoto ya mvimba, beno tula milolo ya kununga sambu na Yehowa.
Beno vanda na kiese, beno tula milolo ya kiese, mpi beno yimba bankunga ya lukumu.*+
5 Beno yimba bankunga* sambu na kukumisa Yehowa ti kidare,Ti kidare mpi nkunga ya kitoko.
6 Ti bampungi mpi makelele ya kibongo+Beno tula milolo ya kununga na ntwala ya Ntotila, Yehowa.
7 Bika nde nzadi-mungwa ti bima yonso yina kele na kati na yo kutula makelele,Ntoto* ti bantu yina ke zingaka na kati na yo.
8 Bika banzadi kubula maboko;Bika bangumba kutula milolo ya kiese kumosi+
9 Na ntwala ya Yehowa, sambu yandi ke kwisa* kusambisa ntoto.
Yandi ta sambisa ntoto ya mvimba* na lunungu+Mpi yandi ta sambisa bantu na lunungu.+
