Nkunga 94:1-23

  • Kisambu sambu na kulomba nde Nzambi kuvutula mbi

    • “Tii nki ntangu bantu ya mbi ta landa?” (3)

    • Kusungika ya Yah ke pesaka kiese (12)

    • Nzambi ta yambula ve bantu na yandi (14)

    • “Kubasisa mavwanga na zina ya nsiku” (20)

94  O Nzambi yina ke vutulaka mbi, Yehowa,+O Nzambi yina ke vutulaka mbi, sema!   Telama, O zuzi ya ntoto.+ Futa bantu ya lulendo yina bo me fwana na kubaka.+   O Yehowa, tii nki ntangu bantu ya mbi,Tii nki ntangu bantu ya mbi ta landa kuyangalala?+   Bo ke tuba mambu mingi ti lulendo;Bantu yonso ya ke salaka mambu ya mbi ke kudisikisa.   Bo ke bedisa bantu na nge, O Yehowa,+Mpi bo ke niokula dikabu na nge.   Bo ke fwa mufwidi ya nkento ti munzenza,Mpi bo ke fwa bana ya me konda batata.   Bo ke tuba nde: “Yah ke mona ve;+Nzambi ya Yakobi ke tudila yo ve dikebi.”+   Beno bakisa diambu yai, beno bantu ya me konda mayele;Beno bazoba, nki ntangu beno ta monisa kibeni mayele ya kubakisa mambu mbote-mbote?+   Muntu yina salaka* dikutu, keti yandi lenda wa ve? Muntu yina salaka disu, keti yandi lenda mona ve?+ 10  Muntu yina ke sungikaka makanda, keti yandi lenda nganina ve bantu?+ Yandi Muntu ke pesaka bantu nzayilu!+ 11  Yehowa me zaba mabanza ya bantu,Nde yo kele mupepe ya mpamba.+ 12  O Yah, kiese na muntu yina nge ke sungika,+Yina nge ke longa nsiku na nge,+ 13  Sambu na kupesa yandi ngemba na bilumbu ya mpasi,Tii kuna bo ta timuna dibulu sambu na muntu ya mbi.+ 14  Sambu Yehowa ta yambula ve bantu na yandi,+Mpi yandi ta bikisa ve dikabu na yandi.+ 15  Sambu lusambisu ta vanda diaka ya lunungu,Mpi bantu yonso ya ntima ya kusungama ta landa yo. 16  Nani ta nwanisa bantu ya mbi sambu na mono? Nani ta sadisa mono na kunwana ti bantu ya ke salaka mambu ya mbi? 17  Kana Yehowa vandaka ve nsadisi na mono,Mono* zolaka kufwa* ntama mingi ve.+ 18  Ntangu mono tubaka nde: “Dikulu na mono ke sietumuka,” Zola na nge ya kwikama, O Yehowa, landaka kusadisa mono.+ 19  Ntangu basusi* lutilaka mono,*Nge pesaka mono kikesa mpi nge lembikaka mono.*+ 20  Keti kiti ya kimfumu* ya mbi lenda wakana ti ngeNtangu yo ke kana kubasisa mavwanga na zina ya nsiku?+ 21  Bo ke nwanisa muntu ya lunungu* na nku+Mpi bo ke zengila muntu ya me sala mbi ve nkanu ya lufwa.*+ 22  Kansi Yehowa ta kuma kisika ya mbote ya kubumbana* sambu na mono,Nzambi na mono kele ditadi na mono ya kutinina.+ 23  Yandi ta sala nde bisalu na bo ya mbi kuvutukila bo.+ Yandi ta fwa bo* sambu na mbi na bo mosi. Yehowa Nzambi na beto ta fwa bo.*+

Banoti na nsi ya lutiti

Na kisina, “kunaka.”
To “Moyo na mono.”
Na kisina, “kuzinga na pima.”
To “bangindu ya ke yangisa.”
To “kumaka mingi na kati na mono.”
To “Kulembika na nge lembikaka moyo na mono.”
To “bamfumu; bazuzi.”
To “moyo ya muntu ya lunungu.”
Na kisina, “Mpi bo ke tuba nde menga ya muntu ya me sala mbi ve me nata makambu (me sala mbi).”
To “kisika ya kutinina ya kunanguka.”
Na kisina, “ta kumisa bo pima.”
Na kisina, “ta kumisa bo pima.”