Nkunga 93:1-5

  • Luyalu ya nene ya Yehowa

    • “Yehowa me kuma Ntotila!” (1)

    • ‘Bangibusa na nge me fwana na kutudila ntima’ (5)

93  Yehowa me kuma Ntotila!+ Yandi me lwata bunene;Yehowa me lwata ngolo;Yandi me lwata yo bonso mukaba. Ntoto* kele ya kutulama ngolo;Yo lenda nikana ve.  2  Kiti na nge ya kimfumu tulamaka ngolo katuka ntama;+Katuka ntangu ya kukonda nsuka, nge ke zingaka kaka.+  3  O Yehowa, banzadi me dasuka,Banzadi me dasuka mpi me tula makelele ya ngolo;Banzadi ke landa kudasuka mpi kubula.  4  Na zulu ya makelele ya bamasa mingi,Yina kele ngolo kuluta bitembo ya ngolo ya nzadi-mungwa,+Yehowa kele nene kuna na zulu.+  5  Bangibusa na nge me fwana kibeni na kutudila ntima.+ O Yehowa, busantu ke tomisaka* nzo na nge+ ntangu yonso.

Banoti na nsi ya lutiti

^ To “Ntoto ya ke butaka.”
^ To “me fwana na.”

Banswa sambu na mukanda yai