Nkunga 91:1-16
91 Konso muntu yina ke zingaka na kisika ya kinsweki ya Muntu ya Kuluta Zulu+Ta zinga na nsi ya kivudi ya Nkwa-Ngolo Yonso.+
2 Mono ta tuba na Yehowa nde: “Nge kele kitininu na mono mpi kisika na mono ya ngolo ya lutaninu,+Nzambi na mono yina mono ke tudilaka ntima.”+
3 Sambu yandi ta gulusa nge na mutambu ya muntu ya ke kangaka bandeke,Na kipupa yina ke fwaka.
4 Yandi ta fika nge ti mapapu na yandi,*Mpi nge ta tina na nsi ya mapapu na yandi.+
Kwikama na yandi+ ta vanda kitaninu ya nene+ mpi kibaka ya lutaninu.
5 Nge ta wa ve boma ya ngolo ya mpimpa,+To ya tolo-tolo yina ke pumbuka na mwini,+
6 Kipupa yina ke tambula na mpimpa,To lufwa yina ke bebisaka na midi.
7 Difunda mosi ta bwa pene-pene na ngeMpi mafunda kumi na diboko na nge ya kitata,Kansi yo ta kuma ve pene-pene na nge.+
8 Nge ta mona yo kaka na meso na ngeNtangu nge ke mona ndola* ya bantu ya mbi.
9 Sambu nge tubaka nde: “Yehowa kele kitininu na mono,”
Nge me kumisa Muntu ya Kuluta Zulu kisika nge ke zingaka;*+
10 Kisumbula mosi ve ta bwila nge,+Mpi mpasi mosi ve ta kwisa pene-pene ya tenta na nge.
11 Sambu yandi ta pesa bawanzio na yandi nsiku+ sambu na nge,Sambu na kutanina nge na banzila na nge yonso.+
12 Bo ta nata nge na maboko na bo,+Sambu dikulu na nge kututana ve na ditadi.+
13 Nge ta niata mwana-ntambu mpi kobra;Nge ta niata ntambu yina kele ti mika mingi na nkingu mpi nioka ya nene.+
14 Nzambi tubaka nde: “Sambu yandi ke zolaka mono,* mono ta gulusa yandi.+
Mono ta tanina yandi sambu yandi me zaba* zina na mono.+
15 Yandi ta binga mono, mpi mono ta ndima.+
Mono ta vanda ti yandi na ntangu ya mpasi.+
Mono ta gulusa yandi mpi ta pesa yandi nkembo.
16 Mono ta pesa yandi luzingu ya nda,+Mpi mono ta sala nde yandi mona mutindu mono ke gulusaka.”*+
Banoti na nsi ya lutiti
^ To “ta kanga nzila ti mapapu na yandi sambu bo pusana ve pene-pene na nge.”
^ Na kisina, “lufutu.”
^ To mbala ya nkaka, “nzo na nge ya ngolo; kitininu na nge.”
^ Na kisina, “yandi me vukana ti mono.”
^ To “yandi ke ndimaka.”
^ To “mona luguluku ya me katuka na mono.”
