Nkunga 9:1-20

  • Kuzabisa bisalu ya kuyituka ya Nzambi

    • Yehowa, kisika ya mbote ya kubumbana (9)

    • Kuzaba zina ya Nzambi ke tendula kutudila yandi ntima (10)

Na ntwadisi; na zulu ya Muti-labeni.* Nkunga ya Davidi. א [Aleph] 9  Mono ta kumisa nge, O Yehowa, na ntima na mono ya mvimba;Mono ta zabisa bisalu na nge yonso ya kuyituka.+   Mono ta wa kiese mpi ta yangalala na nge;Mono ta yimba bankunga* sambu na kukumisa zina na nge, O Muntu ya Kuluta Zulu.+ ב [Beth]   Ntangu bambeni na mono ta vutuka nima,+Bo ta bula sakuba mpi ta fwa na meso na nge.   Sambu nge ke nwanina diambu na mono ya lunungu;Nge me vanda na kiti na nge ya kimfumu, nge ke sambisa na lunungu.+ ג [Gimel]   Nge me nganina makanda+ mpi nge me fwa muntu ya mbi,Nge me vwansa zina na bo mvula na mvula.   Mbeni me fwa kimakulu;Nge tumunaka bambanza na bo,Ebuna bo ta yibukaka bo diaka ve.+ ה [He]   Kansi Yehowa me vanda na kiti ya kimfumu kimakulu;+Yandi me kumisa kiti na yandi ya kimfumu ngolo sambu na lunungu.+   Yandi ta sambisa ntoto ya mvimba* na lunungu;+Yandi ta zengila makanda bankanu ya lunungu.+ ו [Waw]   Yehowa ta kuma kisika ya mbote ya kubumbana sambu na muntu yina bo ke niokula,+Kisika ya mbote ya kubumbana* na bantangu ya mpasi.+ 10  Bantu yina me zaba zina na nge ta tudila nge ntima;+Nge ta yambula ve ata fioti bantu yina ke sosaka nge, O Yehowa.+ ז [Zayin] 11  Beno yimbila Yehowa yina ke zingaka na Sioni bankunga ya lukumu;Beno zabisa bisalu na yandi na kati ya bantu.+ 12  Sambu Muntu yina ke vutula mbi sambu na menga na bo ke yibuka bo;+Yandi ta vila ve kudila ya bantu yina ke mona mpasi.+ ח [Heth] 13  Wila mono mawa, O Yehowa; tala mpasi yina bantu ya ke mengaka mono ke monisa mono,Nge muntu ke tombula mono sambu mono katuka na bakielo ya lufwa,+ 14  Sambu mono zabisa bisalu na nge yina me fwana na kubaka lukumu na bakielo ya mwana-nkento ya Sioni,+Mpi mono wa kiese sambu nge ke gulusaka.+ ט [Teth] 15  Makanda me bwa na dibulu yina bo timunaka;Dikulu na bo mosi me kangama na bukondi yina bo bumbaka.+ 16  Yehowa me zabana na nkanu yina yandi me zenga.+ Muntu ya mbi me kangama na mutambu ya kisalu ya maboko na yandi mosi.+ Higayoni.* (Sela) י [Yod] 17  Bantu ya mbi ta vutuka kinima-nima na ndambu ya Maziamu,*Makanda yonso yina ke vilaka Nzambi. 18  Kansi bo ta vila ve nsukami ntangu yonso;+Mpi kivuvu ya bantu ya kudikulumusa ta fwa ve ata fioti.+ כ Kaph] 19  O Yehowa, telama! Kubika ve nde muntu kununga. Bika bo sambisa makanda na meso na nge.+ 20  Pesa bo boma, O Yehowa,+Bika makanda kuzaba nde bo kele kaka bantu. (Sela)

Banoti na nsi ya lutiti

To “ta bula miziki.”
To “ntoto yina ke butaka.”
To “Kisika ya kutinina ya kunanguka.”
To “Sheole,” disongidila, maziamu ya bantu yonso. Tala Bantendula ya Bangogo.