Nkunga 88:1-18

  • Kisambu sambu na kuguluka na lufwa

    • “Luzingu na mono kele pene-pene ya Maziamu” (3)

    • ‘Konso suka mono ke sambaka nge’ (13)

Nkunga. Miziki ya bana ya Kora.+ Na ntwadisi; na mutindu ya kuyimba ya Mahalati,* sambu kimvuka mosi kuyimba bangogo na nima ya kimvuka ya nkaka. Maskile* ya Emani+ mwana ya Ezra. 88  O Yehowa, Nzambi ya luguluku na mono,+Mono ke dila na ntangu,Mpi mono ke kwisa na ntwala na nge na mpimpa.+   Bika kisambu na mono kukumina nge,+Tula dikutu na* kudila na mono sambu na kulomba lusadisu.+   Sambu moyo* na mono me fuluka ti mpasi,+Mpi luzingu na mono kele pene-pene ya Maziamu.*+   Bo ke tanga mono na kati ya bantu yina ke kulumuka na dibulu;*+Mono me kuma muntu yina me konda lusadisu,*+   Yina bo me bikisa na kati ya bafwaBonso bantu ya kufwa yina me lala na maziamu,Yina nge ke yibuka diaka veMpi yina bo me katula na nsi ya lutaninu* na nge.   Nge me tula mono na dibulu ya nsi kibeni,Na bisika ya mpimpa, na dibulu ya nene ya nda.   Makasi na nge kele kizitu kibeni na zulu na mono,+Mpi nge me dindisa mono na bitembo na nge ya ngolo. (Sela)   Nge me kula bantu yina mono me zabana ti bo ntama ti mono;+Nge me kumisa mono kima ya nzanzi na meso na bo. Mono me kangama na mutambu mpi mono lenda tina ve.   Disu na mono me lemba sambu na mpasi na mono.+ O Yehowa, mono ke binga nge kilumbu ya mvimba;+Mono ke tandudila nge maboko na mono. 10  Keti nge ta sala mambu ya kuyituka sambu na bafwa? Keti bantu yina me konda ngolo na lufwa lenda telama sambu na kukumisa nge?+ (Sela) 11  Keti bo ta zabisa zola na nge ya kwikama na maziamu,Kwikama na nge na kisika ya lufwa?* 12  Keti mambu na nge ya kuyituka ta zabana na mpimpaTo lunungu na nge na insi ya bantu yina bo me vilaka?+ 13  Kansi mono ke landa kudidila nge sambu na kulomba lusadisu, O Yehowa,+Konso suka kisambu na mono ke kwisa na ntwala na nge.+ 14  O Yehowa, sambu na nki nge me buya mono?*+ Sambu na nki nge ke bumbi- la mono luse na nge?+ 15  Katuka kileke na mono,Bo me monisaka mono mpasi mpi mono kele pene-pene ya kufwa;+Mono me lemba sambu na mambu ya mpasi yina nge ke bika nde mono kutana ti yo. 16  Makasi na nge ya ngolo me dindisa mono;+Boma na nge ya ngolo ke fwa mono. 17  Yo me ziunga mono bonso bamasa kilumbu ya mvimba;Yo me ziunga mono na bandambu yonso.* 18  Nge me kula banduku na mono mpi bankundi na mono ntama ti mono;+Mpimpa me kuma nduku na mono.

Banoti na nsi ya lutiti

To “Fumbama mpi wa.”
To “Sheole,” disongidila, maziamu ya bantu yonso. Tala Bantendula ya Bangogo.
To “maziamu.”
To “bonso muntu yina me konda ngolo.”
Na kisina, “diboko.”
To “na Abadoni.”
To “moyo na mono.”
To mbala ya nkaka, “na mbala mosi.”