Nkunga 85:1-13
Sambu na ntwadisi. Ya bana ya Kora.+ Nkunga.
85 O Yehowa, nge me monisila ntoto na nge ntima ya mbote;+Nge vutulaka bantu ya Yakobi yina bo nataka na kimpika.+
2 Nge me lolula kifu ya bantu na nge;Nge lolulaka* masumu na bo yonso.+ (Sela)
3 Nge kangaka nganzi na nge yonso;Nge katulaka makasi ya ngolo yina nge waka.+
4 Vutula beto, O Nzambi ya luguluku na beto,Mpi katula makasi yina nge wilaka beto.+
5 Keti nge ta wila beto makasi ya ngolo kimakulu?+
Keti nge ta landa kuwa makasi tii na bandonga yonso ya bantu yina ta kwisa?
6 Keti nge ta pesa beto diaka ve luzinguSambu bantu na nge kuwa kiese sambu na nge?+
7 O Yehowa, monisila beto zola na nge ya kwikama,+Mpi gulusa beto.
8 Mono ta wa mambu yina Yehowa, Nzambi ya kieleka ke tuba,Sambu yandi ta tubila ngemba na bantu na yandi,+ na bantu na yandi ya kwikama,Kansi kubika ve nde bo vutukila kuditudila ntima kuluta ndilu.+
9 Ya kieleka luguluku na yandi kele pene-pene ya bantu yina ke waka yandi boma,+Sambu nkembo na yandi kuvanda na ntoto na beto.
10 Zola ya kwikama mpi kwikama ta kutana;Lunungu mpi ngemba ta pesana beze.+
11 Kwikama ta mena na ntoto,Mpi lunungu ta tala na nsi katuka na zulu.+
12 Ee, Yehowa ta pesa bima ya mbote,*+Ebuna ntoto na beto ta basisa mbuma na yo.+
13 Lunungu ta tambula na ntwala na yandi+Mpi yo ta sadila bitambi na yandi nzila.
