Nkunga 83:1-18
Nkunga. Miziki ya Asafi.+
83 O Nzambi, kuvanda ve pima;+Kuvanda ve baba mpi kukanga ve munoko, O Nzambi.
2 Tala! Bambeni na nge kele na mavwanga;+Bantu yina ke mengaka nge ke sala mambu na lulendo.*
3 Bo ke sadila bantu na nge komplo na kinsweki ti mayele ya mbi;Bo ke kanina bantu yina nge ke zolaka mingi.*
4 Bo ke tuba nde: “Beno kwisa, beto manisa bo sambu bo vanda diaka ve dikanda,+Sambu bantu kuyibuka diaka ve zina ya Izraele.”
5 Bo me sala pula kumosi;*Bo me sala kuwakana sambu na kunwanisa nge+—
6 Batenta ya Edomi mpi bantu ya Ismaele, Moabi+ ti bantu ya Agri,+
7 Gebale, Amoni,+ mpi Amaleki,Filistia+ kumosi ti bantu ya Tire.+
8 Asiria+ mpi me vukana ti bo;Bo ke pesa maboko* na bana ya Loti.+ (Sela)
9 Sala bo mutindu nge salaka Madiani,+Mutindu nge salaka Sisera ti Yabini na masa* ya Kishoni.+
10 Bo manisaka bo na Ene-dore;+Bo kumaka nsasa sambu na ntoto.
11 Kumisa bantu na bo ya lukumu bonso Orebi ti Zeebi+Mpi bamfumu* na bo bonso Zeba ti Salmuna,+
12 Sambu bo tubaka nde: “Bika beto baka ntoto yina Nzambi ke zingaka.”
13 O Nzambi na mono, kumisa bo bonso nti ya bansende yina ke baluka,+Bonso nianga yina mupepe ke nata.
14 Bonso tiya yina ke yoka mfinda,Bonso ludimi ya tiya yina ke zikisa bangumba,+
15 Yo yina, bika nge landa bo ti mupepe na nge ya ngolo+Mpi nge pesa bo boma ti kitembo na nge.+
16 Fulusa* baluse na bo ti nsoni,Sambu bo sosa zina na nge, O Yehowa.
17 Bika bo pesa bo nsoni mpi bo wa boma kimakulu;Bika bo wa nsoni mpi bo fwa;
18 Bika bantu kuzaba nde nge, yina zina na nge kele Yehowa,+Nge mpamba kele Muntu ya Kuluta Zulu na ntoto ya mvimba.+
Banoti na nsi ya lutiti
^ Na kisina, “ke nangula ba-ntu na bo.”
^ Na kisina, “bantu yina nge me bumbaka.”
^ Na kisina, “Bo me solula na ntima mosi.”
^ Na kisina, “Bo me kuma diboko sambu.”
^ To “muwanda.”
^ To “bantwadisi.”
^ Na kisina, “fulusa.”
