Nkunga 80:1-19
Na ntwadisi; ya bo me tula na “Bintuntu ya Lisi.” Ngibusa. Ya Asafi.+ Nkunga.
80 O Ngungudi ya Izraele, wa,Nge muntu ke twadisa Yozefi bonso kibuka ya bitwisi.+
Nge muntu me vanda na kiti ya kimfumu na zulu* ya basherube,+Sema.*
2 Na ntwala ya Efrayimi, Benyamini, mpi Manase,Songa ngolo na nge;+Kwisa mpi gulusa beto.+
3 O Nzambi, vutula beto;+Bika luse na nge kusema na zulu na beto, sambu beto guluka.+
4 Yehowa Nzambi ya makesa, tii nki ntangu nge ta menga* kisambu ya bantu na nge?+
5 Nge ke disa bo mansanga bonso dimpa na bo,Mpi nge ke nwisa bo mansanga kuluta ndilu.
6 Nge ke bika nde bantu ya ke zingaka pene-pene na beto kuswana sambu na beto;Bambeni na beto ke landa kuseka beto mutindu bo me zola.+
7 O Nzambi ya makesa, vutula beto;Bika luse na nge kusema na zulu na beto, sambu beto guluka.+
8 Nge katulaka nti ya vinu+ na Ezipte.
Nge kulaka makanda mpi nge kunaka yo.+
9 Nge yidikilaka yo kisika,Ebuna yo basisaka misisa mpi yo fulusaka ntoto.+
10 Kivudi na yo fikaka bangumba,Mpi balutangu na yo fikaka banti ya sedre ya Nzambi.
11 Balutangu na yo kumaka tii na nzadi-mungwa,Mpi balutangu na yo ya fioti kumaka tii na Nzadi.*+
12 Sambu na nki nge me bwisa bibaka ya matadi ya kilanga ya vinu,+Ebuna bantu yonso yina ke luta pene-pene ke buka bambuma na yo?+
13 Bangulu ya mfinda ke fwa yo,Mpi bambisi ya makasi ya nseke ke dia yo.+
14 O Nzambi ya makesa, pardo kwisa kuvutuka.
Tala na nsi katuka na zulu mpi mona!
Keba nti yai ya vinu,+
15 Lutangu* yina diboko na nge ya kitata kunaka,+Mpi tala mwana* yina nge kumisaka ngolo sambu na nge mosi.+
16 Yo me zika na tiya,+ yo me bwa.
Bo ke fwa na kunganina na nge.*
17 Bika nde diboko na nge kusadisa muntu yina kele na diboko na nge ya kitata,Mwana ya muntu yina nge me kumisaka ngolo sambu na nge mosi.+
18 Ebuna beto ta tina nge ve.
Bikisa beto na luzingu, sambu beto binga zina na nge.
19 O Yehowa Nzambi ya makesa, vutula beto;Bika luse na nge kusema na zulu na beto, sambu beto guluka.+
Banoti na nsi ya lutiti
^ To mbala ya nkaka, “na kati-kati.”
^ To “Monisa kungenga na nge.”
^ Na kisina, “ta wa makasi sambu na.”
^ Disongidila, Efrate.
^ To “Lutangu ya nene ya nti ya vinu.”
^ To “lutangu.”
^ Na kisina, “na kunganina ya luse na nge.”
