Nkunga 79:1-13

  • Kisambu ntangu makanda kotilaka bantu ya Nzambi na ngolo

    • ‘Beto kele kima ya nsoni’ (4)

    • ‘Sadisa beto sambu na zina na nge’ (9)

    • “Futa bantu ya ke zingaka pene-pene na beto mbala nsambwadi” (12)

Nkunga ya Asafi.+ 79  O Nzambi, makanda me kota na ngolo na dikabu na nge;+Bo me kumisa tempelo na nge ya santu+ mvindu;Bo me kumisa Yeruzalemi mayumbu.+   Bo me pesa bandeke ya zulu bamvumbi ya bansadi na nge sambu yo vanda madia na yo,Mpi bo me pesa misuni ya bantu na nge ya kwikama na bambisi ya mfinda ya ntoto.+   Bo me tiamuna menga na bo bonso masa na nziunga ya Yeruzalemi,Mpi muntu mosi ve me bikala sambu na kuzika bo.+   Beto me kuma kima yina bantu ya ke zingaka pene-pene na beto ke pesa nsoni;+Bayina kele na nziunga na beto ke vweza beto mpi ke seka beto.   O Yehowa, tii nki ntangu nge ta wa makasi ya ngolo? Kimakulu?+ Tii nki ntangu makasi na nge ta pela bonso tiya?+   Monisa makasi na nge na makanda yina me zaba nge veMpi na bimfumu yina ke bingaka ve zina na nge.+   Sambu bo me dia YakobiMpi bo me bikisa insi na yandi mpamba.+   Kulomba beto ve na kuvutula munoko sambu na bifu ya ba-nkaka na beto.+ Wila beto mawa nswalu,+Sambu bo me kulumusa beto na nsi kibeni.   Sadisa beto, O Nzambi ya luguluku na beto,+Sambu na zina na nge ya nkembo;Gulusa beto mpi lolula* masumu na beto sambu na zina na nge.+ 10  Sambu na nki makanda fwete tuba nde: “Nzambi na bo kele na wapi?”+ Bika nde yo zabana na meso na beto na kati ya makandaNde nge me vutula mbi sambu na menga ya bansadi na nge yina tiamukaka.+ 11  Bika nde nge wa kudila ya muntu ya boloko.+ Sadila ngolo* na nge ya nene sambu na kutanina* bantu yina bo me zengila nkanu ya lufwa.*+ 12  Futa bantu ya ke zingaka pene-pene na beto mbala nsambwadi+Sambu na mafingu ya bo me finga nge, O Yehowa.+ 13  Ebuna beto, bantu na nge mpi bitwisi ya nseke na nge,+Beto ta pesa nge matondo kimakulu;Mpi beto ta zabisa lukumu na nge tii na bandonga yonso ya bantu yina ta kwisa.+

Banoti na nsi ya lutiti

Na kisina, “fika.”
Na kisina, “diboko.”
To mbala ya nkaka, “kupesa kimpwanza na.”
Na kisina, “bana ya lufwa.”