Nkunga 77:1-20

  • Kisambu na ntangu ya mpasi

    • Kuyindulula bisalu ya Nzambi (11, 12)

    • ‘Nani kele nene bonso nge, O Nzambi?’ (13)

Na ntwadisi; na Yedutuni.* Ya Asafi.+ Nkunga. 77  Ti ndinga na mono, mono ta binga Nzambi na ndinga ya ngolo;Mono ta binga Nzambi na ndinga ya ngolo, mpi yandi ta wa mono.+   Na kilumbu ya mpasi na mono, mono ke sosa Yehowa.+ Na mpimpa mono ke tandula maboko na mono na yandi kukonda kuyambula.* Bo lenda lembika mono* ve.   Ntangu mono ke yibuka Nzambi, mono ke dila na ntima;+Mono ke kudiyangisa mpi ngolo na mono me mana.*+ (Sela)   Nge me sala nde bikobo ya meso na mono kubikala ya kukanguka;Mono ke kudiyangisa mpi mono ke kuka ve kutuba.   Bangindu na mono me vutu- ka na bilumbu ya ntama,+Bamvula ya ntama kibeni.   Na mpimpa mono ke yibuka nkunga na mono;*+Mono ke yindulula na ntima;+Mono* ke sosa na dikebi yonso.   Keti Yehowa ta losa beto kimakulu?+ Keti yandi ta monisila beto diaka ve ntima ya mbote?+   Keti zola na yandi ya kwikama me manaka kimakulu? Keti lusilu na yandi ta kuma kima ya mpamba sambu na bandonga yonso ya bantu?   Keti Nzambi me vila na kumonisa ntima ya mbote na yandi,+To keti makasi na yandi me sala nde mawa na yandi kumana? (Sela) 10  Keti mono fwete landa kutuba nde: “Yai diambu ya ke yangisa* mono:+ Muntu ya Kuluta Zulu me soba mabanza na yandi sambu na beto”?* 11  Mono ta yibuka bisalu ya Yah;Mono ta yibuka bima ya kuyituka ya nge me salaka katuka ntama. 12  Mono ta yindulula kisalu na nge yonsoMpi mono ta yindulula mitindu na nge ya kusala mambu.+ 13  O Nzambi, banzila na nge kele santu. Inki nzambi kele nene bonso nge, O Nzambi?+ 14  Nge kele Nzambi ya kieleka, yina ke salaka mambu ya kuyituka.+ Nge me songaka bantu ngolo na nge.+ 15  Ti ngolo* na nge, nge me gulusaka* bantu na nge,+Bana ya Yakobi mpi ya Yozefi. (Sela) 16  Bamasa monaka nge, O Nzambi;Bamasa monaka nge mpi yo tekitaka.+ Mpi bamasa ya mudindu kumaka kunikana. 17  Matuti tiamunaka masa. Zulu ya kele ti matuti basisaka makelele ya nzasi,Mpi batolo-tolo na nge kwendaka ndambu na ndambu.+ 18  Makelele ya nzasi+ na nge vandaka bonso makulu ya pusu-pusu;Nsemo ya nzasi pesaka nsemo na ntoto ya mvimba;*+Ntoto tekitaka mpi nikanaka.+ 19  Nzila na nge vandaka na nzadi-mungwa,+Kisika ya nge ke lutaka vandaka na kati ya bamasa mingi;Kansi bitambi ya makulu na nge vandaka kumonika ve. 20  Nge twadisaka bantu na nge bonso bitwisi,+Na lutwadisu* ya Moize ti Aroni.+

Banoti na nsi ya lutiti

Na kisina, “kulemba.”
To “moyo na mono.”
Na kisina, “mpeve na mono me lemba.”
To “bima na mono ya kubudila miziki ya kele ti bansinga.”
Na kisina, “Mpeve na mono.”
To “ke tobula.”
Na kisina, “me soba diboko na yandi ya kitata na ndambu na beto.”
Na kisina, “diboko.”
Na kisina, “me sumbululaka.”
To “ntoto yina ke butaka.”
Na kisina, “Na diboko.”