Nkunga 75:1-10

  • Nzambi ke sambisaka na lunungu

    • Bantu ya mbi ta nwa dikopa ya Yehowa (8)

Na ntwadisi. Ya bo me tula na miziki “Kubebisa Ve.” Ya Asafi.+ Nkunga. 75  Beto ke tonda nge, O Nzambi, beto ke tonda nge;Zina na nge kele pene-pene,+Mpi bantu ke zabisa bisalu na nge ya kuyituka.   Nge ke tuba nde: “Ntangu mono ke tulaka ntangu,Mono ke sambisaka na lunungu.   Ntangu ntoto ti bantu yonso ya ke zingaka muna vandaka kuyanguka,Mono muntu salaka nde makunzi na yo kubikala ngolo.” (Sela)   Mono tubilaka bantu ya ke kudikumisaka nde, “Beno kudikumisa ve,” Mpi mono tubilaka bantu ya mbi nde, “Beno kumisa ve ngolo* na beno.   Beno nangula ve ngolo* na beno na zuluMpi beno tuba ve ti lulendo.   Sambu lukumu ke katukaka veNa esti to na westi to na sudi.   Sambu Nzambi kele Zuzi.+ Yandi ke kulumusaka muntu mosi mpi ke nangulaka muntu ya nkaka.+   Sambu Yehowa kele ti dikopa na diboko na yandi;+Vinu ke basisa mafulu-fulu mpi bo me vukisa yo mbote. Yandi ta tiamuna yo kibeni,Mpi bantu yonso ya mbi ya ntoto ta nwa yo, bo ta nwa tii na mvindu yina ke bikalaka na nsi.”+   Kansi mono, mono ta zabisa yo kimakulu;Mono ta yimba bankunga* sambu na kukumisa Nzambi ya Yakobi. 10  Sambu yandi ke tuba nde: “Mono ta katula ngolo* yonso ya bantu ya mbi,Kansi ngolo* ya bantu ya lunungu ta kuma mingi.”

Banoti na nsi ya lutiti

Na kisina, “kibongo.”
Na kisina, “kibongo.”
To “ta bula miziki.”
Na kisina, “bibongo.”
Na kisina, “bibongo.”