Nkunga 74:1-23

  • Kisambu sambu na kulomba nde Nzambi kuyibuka bantu na yandi

    • Bo me yibusa mutindu Nzambi ke gulusaka (12-17)

    • “Yibuka masota ya mbeni” (18)

Maskile.* Ya Asafi.+ 74  O Nzambi, sambu na nki nge me losa beto kimakulu?+ Sambu na nki nge ke wila bitwisi ya nseke na nge makasi ya ngolo?+   Yibuka bantu* yina nge sumbaka katuka ntama,+Dikanda yina nge sumbaka diaka bonso dikabu na nge.+ Yibuka Ngumba ya Sioni, kisika yina nge zingaka.+   Twadisa bitambi na nge na mayumbu ya kimakulu.+ Mbeni me bebisa bima yonso na kisika ya santu.+   Bambeni na nge tulaka makelele ya ngolo na kati ya kisika na nge ya lukutakanu.+ Bo me tedimisa bidimbu na bo kuna.   Bo vandaka bonso bantu yina me simba masoka sambu na kuzenga banti na mbalaka.   Bo bukaka bifwanisu+ na yo yonso ti masoka mpi bibende.   Bo tulaka kisika na nge ya santu tiya.+ Bo vwezaka nzo-tenta yina kele ti zina na nge, bo bwisaka yo na ntoto.   Bo ti bana na bo me tuba na bantima na bo nde: “Beto fwete yoka bisika yonso ya lukutakanu ya Nzambi* ya kele na insi yai.”   Beto ke mona ve ata kidimbu mosi;Ata mbikudi mosi ve me bikala,Mpi muntu mosi ve na kati na beto me zaba kana yo ta zinga ntangu ikwa. 10  Tii nki ntangu, O Nza- mbi, mbeni ta landa kusosila nge?+ Keti mbeni ta konda kuzitisa zina na nge kimakulu?+ 11  Sambu na nki nge ke kanga diboko na nge, diboko na nge ya kitata?+ Basisa yo na ntulu* na nge mpi sukisa bo. 12  Kansi Nzambi kele ntotila na mono katuka ntama,Muntu yina ke gulusaka na ntoto.+ 13  Nge nikisaka nzadi-mungwa na ngolo na nge;+Nge panzaka ba-ntu ya bambisi ya boma ya nzadi-mungwa na bamasa. 14  Nge pasulaka ba-ntu ya Leviatani;*Nge pesaka yo bonso madia na bantu, na bantu yina ke zingaka na bantoto ya zelo na zelo. 15  Nge kangulaka banzila sambu na banto ya masa mpi bamasa;+Nge yumisaka banzadi yina ke kulumukaka konso ntangu.+ 16  Mpimpa ti mwini kele ya nge. Nge salaka nsemo* mpi ntangu.+ 17  Nge tulaka bandilu yonso ya ntoto;+Nge salaka nsungi ya mvula mpi nsungi ya madidi.+ 18  O Yehowa, yibuka masota ya mbeni,Mutindu bazoba ke zitisaka ve zina na nge.+ 19  Kupesa ve luzingu* ya diyembe na nge na bambisi ya mfinda. Kuvila ve kimakulu luzingu ya bantu na nge yina ke mona mpasi. 20  Yibuka kuwakana,Sambu bisika ya mpimpa ya ntoto me fuluka ti mubulu. 21  Bika nde muntu yina bo me bedisa kuvutuka ve na nsoni;+Bika nde muntu ya kukonda mfunu mpi nsukami kukumisa zina na nge.+ 22  O Nzambi, telama mpi nwanina diambu na nge. Yibuka mutindu zoba ke sosila nge kilumbu ya mvimba.+ 23  Kuvila ve mambu yina bambeni na nge ke tuba. Makelele ya bantu yina ke tudila nge ntembe ke tombuka konso ntangu.

Banoti na nsi ya lutiti

Na kisina, “dibundu na nge.”
To “bisika yonso yina bo ke sambilaka Nzambi.”
To “na lele.”
To “kima yina ke pesaka nsemo.”
To “moyo.”