Nkunga 7:1-17

  • Yehowa kele Zuzi ya lunungu

    • “Sambisa mono, O Yehowa” (8)

Nkunga ya mawa* ya Davidi yina yandi yimbilaka Yehowa sambu na bangogo ya Kushi muntu ya dikanda ya Benyamini. 7  O Yehowa Nzambi na mono, mono me tina na nge.+ Katula mono na bantu yonso yina ke monisa mono mpasi mpi gulusa mono.+   Kana ve bo ta pasula mono* bitini-bitini mutindu ntambu ke salaka,+Bo ta nata mono ntama mpi muntu ya kugulusa mono ta vanda ve.   O Yehowa Nzambi na mono, kana mono kele na kifu na diambu yai,Kana mono me sala mambu kukonda lunungu,   Kana mono me sala mbi na muntu yina ke sadila mono mambu ya mbote,+To kana mono me botula bima ya mbeni na mono kukonda kikuma,*   Bika mbeni kulanda mono mpi kukanga mono;*Bika yandi niata luzingu na mono na ntotoMpi yandi sala nde nkembo na mono kumana na mfututu. (Sela)   O Yehowa, telama na makasi na nge;Nwanisa nganzi ya bambeni na mono;+Telama sambu na mono, mpi lomba nde bo zenga mambu na lunungu.+   Bika nde makanda kuziunga nge;Mpi nge ta nwanisa bo katuka na zulu.   Yehowa ta zengila bantu nkanu.+ Sambisa mono, O Yehowa, na kutadila lunungu na monoMpi na kutadila kwikama na mono.+   Pardo sukisa bisalu ya mbi ya bantu ya mbi. Kansi tedimisa muntu ya lunungu,+Sambu nge kele Nzambi ya lunungu+ yina ke talaka bantima+ mpi mawi ya kati kibeni.*+ 10  Nzambi kele kitaninu na mono,+ Ngulusi ya bantu yina kele na ntima ya kusungama.+ 11  Nzambi kele Zuzi ya lunungu,+Mpi Nzambi ke zabisaka balusambisu na yandi konso kilumbu. 12  Kana muntu kubalula ve ntima,+ yandi ta tula mbele na yandi ya bitumba makasi;+Yandi ta konika munduki na yandi ya tolo-tolo mpi ta yidika yo.+ 13  Yandi ke yidika binwaninu na yandi ya ke fwaka;Yandi ke yidika batolo-tolo na yandi ya ke pelaka tiya.+ 14  Beno tala muntu yina me baka divumu ya mambu ya mbi;Yandi me baka divumu ya mavwanga mpi yandi me buta luvunu.+ 15  Yandi ke timuna dibulu mpi ke kumisa yo nda,Kansi yandi ke bwa kaka na dibulu yina yandi timunaka.+ 16  Mpasi yina yandi ke nata ta vutuka na ntu na yandi mosi;+Mubulu na yandi ta bwila mukwa ya ntu na yandi. 17  Mono ta kumisa Yehowa sambu na lunungu na yandi;+Mono ta yimba bankunga* sambu na kukumisa zina ya Yehowa,+ Muntu ya Kuluta Zulu.+

Banoti na nsi ya lutiti

To “Nkunga ya mafwa.”
To “moyo na mono.”
To mbala ya nkaka, “Ntangu mono gulusaka muntu yina ke nwanisa mono kukonda kikuma.”
To “moyo na mono.”
To “ke mekaka bantima mpi bapiku.”
To “ta bula miziki.”