Nkunga 67:1-7

  • Ntoto ya mvimba ta wa Nzambi boma

    • Nzila ya Nzambi ta zabana (2)

    • ‘Bika bantu yonso kukumisa Nzambi’ (3, 5)

    • “Nzambi ta sakumuna beto” (6, 7)

Na ntwadisi; ya kuyimba ti bima ya kubudila miziki ya kele ti bansinga. Miziki. Nkunga. 67  Nzambi ta wila beto mawa mpi ta sakumuna beto;Yandi ta sala nde luse na yandi kusema na zulu na beto+ (Sela)   Sambu nzila na nge kuzabana na ntoto ya mvimba,+Mpi mutindu nge ke gulusaka kuzabana na makanda yonso.+   Bika bantu kukumisa nge, O Nzambi;Bika bantu yonso kukumisa nge.   Bika makanda kuyangalala mpi kutula milolo ya kiese,+Sambu nge ta sambisa bantu na mutindu ya mbote.+ Nge ta twadisa makanda ya ntoto. (Sela)   Bika bantu kukumisa nge, O Nzambi;Bika bantu yonso kukumisa nge.   Ntoto ta buta mbuma na yo;+Nzambi, Nzambi na beto, ta sakumuna beto.+   Nzambi ta sakumuna beto,Mpi ntoto ya mvimba ta wa yandi boma.*+

Banoti na nsi ya lutiti

To “ta kumisa yandi.”