Nkunga 63:1-11

  • Kuwa nzala ya Nzambi

    • “Zola na nge ya kwikama kele mbote kuluta luzingu” (3)

    • ‘Kufuluka kitini ya kuluta kitoko’ (5)

    • Kuyindulula Nzambi na mpimpa (6)

    • ‘Mono ke kangama na Nzambi’ (8)

Nkunga ya Davidi, ntangu yandi vandaka na ntoto-makanga ya Yuda.+ 63  O Nzambi, nge kele Nzambi na mono, mono ke landa kusosa nge.+ Mono* ke wa nzala na nge.+ Mono* me lemba nitu sambu mono kele na nzala na nge ya ngoloNa ntoto ya kuyuma mpi ya kukawuka, kisika masa kele ve.+   Yo yina mono me tala nge na kisika ya santu;Mono me mona ngolo na nge ti nkembo na nge.+   Sambu zola na nge ya kwikama kele mbote kuluta luzingu,+Bikobo na mono ta pesa nge nkembo.+   Ebuna mono ta kumisa nge luzingu na mono ya mvimba;Mono ta tombula maboko na mono na zina na nge.   Mono* me fuluka kitini ya kuluta kitoko mpi ya mbote,*Yo yina munoko na mono ta kumisa nge ti kiese na bikobo na mono.+   Mono ke yibuka nge ntangu mono kele na mbeto na mono;Mono ke yindulula nge na bantangu ya kukengila ya mpimpa.+   Sambu nge kele nsadisi na mono,+Mpi mono ke tula milolo ya kiese na kivudi ya mapapu na nge.+   Mono* ke kangama na nge;Diboko na nge ya kitata me simba mono ngolo.+   Kansi bantu yina ke sosa kubebisa luzingu na mono*Ta kulumuka na nsi kibeni ya ntoto. 10  Bo ta pesa bo na ngolo ya mbele ya bitumba;Bo ta kuma madia sambu na bambwa ya nseke.* 11  Kansi ntotila ta wa kiese na Nzambi. Konso muntu yina ke zenga kieleka na zina na yandi ta yangalala,*Sambu bo ta kanga munoko ya bantu yina ke tubaka luvunu.

Banoti na nsi ya lutiti

To “Moyo na mono.”
Na kisina, “Nsuni na mono.”
To “Moyo na mono.”
Na kisina, “ya nene mpi ya mafuta.”
To “Moyo na mono.”
To “kufwa moyo na mono; kufwa mono.”
To “mikengi.”
To “kudikumisa.”