Nkunga 6:1-10
Na ntwadisi; ya kuyimba ti bima ya kubudila miziki ya kele ti bansinga sambu yo wakana ti Sheminiti.* Nkunga ya Davidi.
6 O Yehowa, kunganina mono ve na makasi na nge,Mpi kusungika mono ve na makasi na nge.+
2 Wila mono mawa, O Yehowa, sambu mono me lemba.
Belula mono, O Yehowa,+ sambu mikwa na mono ke tekita.
3 Ee, mono* ke kudiyangisa mingi,+Mpi mono ke yula nge, O Yehowa—tii nki ntangu?+
4 Kwisa kuvutuka, O Yehowa, mpi gulusa mono;*+Gulusa mono sambu na zola na nge ya kwikama.+
5 Sambu na lufwa, bo ke yibukaka* nge ve;Na Maziamu,* nani ta pesa nge lukumu?+
6 Mono me lemba sambu na kudila na mono;+Mpimpa ya mvimba mono ke podisa mbeto na mono na mansanga;*Mono ke podisa kisika na mono ya kulala na kudila.+
7 Meso na mono me lemba sambu na mawa na mono;+Yo ke mona ve mbote* sambu na bantu yonso yina ke niokula mono.
8 Beno katuka pene-pene na mono, beno yonso bantu yina ke salaka mambu ya mbi,Sambu Yehowa ta wa makelele ya kudila na mono.+
9 Yehowa ta wa diambu ya mono ke lomba sambu yandi wila mono mawa;+Yehowa ta ndima kisambu na mono.
10 Bo ta pesa bambeni na mono yonso nsoni mpi bo ta lemba nitu;Bo ta bwa kinima-nima na nsoni ya kintulumukina.+
Banoti na nsi ya lutiti
^ Tala Bantendula ya Bangogo.
^ To “moyo na mono.”
^ To “moyo na mono.”
^ Na kisina, “tubilaka.”
^ To “Sheole,” disongidila, maziamu ya bantu yonso. Tala Bantendula ya Bangogo.
^ Na kisina, “ke sala nde mbeto na mono kufuluka na mansanga.”
^ To “Yo me nuna.”
