Nkunga 58:1-11

  • Kele ti Nzambi yina ke sambisaka ntoto

    • Kisambu sambu na kupesa bantu ya mbi ndola (6-8)

Na ntwadisi; ya bo me tula na “Kubebisa Ve.” Ya Davidi. Miktami.* 58  Keti beno lenda tubila lunungu ntangu beno kele pima?+ Beno bana ya bantu, keti beno lenda sambisa mambu na mutindu ya kusungama?+   Kansi, beno ke kana mambu ya kukonda lunungu na ntima na beno,+Mpi maboko na beno ke panza mubulu na insi.+   Bantu ya mbi ke vilaka nzila* katuka lubutuku;*Bo kele ntu-ngolo, bo kele bantu ya luvunu katuka ntangu yina bo ke butukaka.   Meno na bo kele bonso meno ya banioka;+Bo kele makutu ya kufwa bonso kobra yina me kanga makutu.   Yo ta wa ve ndinga ya bantu yina ke kinisaka banioka,Ata bo me zaba kubula yo mbote nki mutindu.   O Nzambi, buka bo meno na munoko na bo! Buka bambwanga ya banta- mbu yina,* O Yehowa!   Bika bo vila bonso masa yina ke kulumuka. Bika yandi konika munduki na yandi ya tolo-tolo mpi yandi bwisa bo ti batolo-tolo na yandi.   Bika bo vanda bonso mukolo yina ke kuma masa-masa ntangu yo ke tambula;Bonso mwana yina me butuka ya kufwa yina ke monaka ve mwini ata fioti.   Na ntwala nde banzungu na nge kuwa tiya ya nti ya bansende,Yandi ta katula nti ya mubisu mpi ka-lutangu yina ke pela, bonso na mupepe ya ngolo.+ 10  Muntu ya lunungu ta wa kiese sambu yandi me mona mutindu bo me vutula mbi na bantu ya mbi.+Yandi ta tambula na kati ya menga ya muntu ya mbi.+ 11  Ebuna bantu ta tuba nde: “Ya kieleka matabisi kele sambu na muntu ya lunungu.+ Ya kieleka kele ti Nzambi yina ke sambisaka na ntoto.”+

Banoti na nsi ya lutiti

To “kele ya kubeba.”
Na kisina, “tuka divumu.”
To “bana-bantambu yina kele ti mika mingi na nkingu.”