Nkunga 56:1-13
Na ntwadisi; ya bo me tula na “Pizio ya Pima Yina Kele Ntama.” Ya Davidi. Miktami.* Ntangu bantu ya Filistia kangaka yandi na Gati.+
56 Wila mono mawa, O Nzambi, sambu muntu ke nwanisa* mono.
Kilumbu ya mvimba, bo ke landa kunwanisa mpi kuniokula mono.
2 Bambeni na mono ke landa kutatika mono kilumbu ya mvimba;Bantu mingi ke nwanisa mono na lulendo yonso.
3 Ntangu ya mono kele na boma,+ mono ke tulaka ntima na nge.+
4 Mono ke tulaka ntima na Nzambi, yina mono ke kumisa ndinga na yandi;Mono ke tulaka ntima na Nzambi, mono ke wa boma ve.
Muntu* lenda sala mono inki?+
5 Kilumbu ya mvimba bo ke bebisa mambu na mono;Dibanza na bo kele kaka ya kusala mono mbi.+
6 Bo ke bumbana sambu na kunwanisa mono;Bo ke langidila konso kitambi na mono,+Ti kivuvu ya kufwa mono.*+
7 Buya bo sambu na mambu na bo ya mbi.
Fwa makanda na makasi na nge, O Nzambi.+
8 Nge me zaba mutindu mono ke yungana-yungana.+
Baka mansanga na mono na dibungu na nge ya mpusu ya mbisi.+
Keti bo me sonikaka yo ve na mukanda na nge?+
9 Bambeni na mono ta vutuka nima kilumbu yina mono ta binga sambu na kulomba lusadisu.+
Mono ke tula ntima na diambu yai: Nzambi kele na lweka na mono.+
10 Mono ke tulaka ntima na Nzambi, yina mono ke kumisa ndinga na yandi;Mono ke tulaka ntima na Yehowa—yina mono ke kumisa ndinga na yandi;
11 Mono ke tulaka ntima na Nzambi, mono ke wa boma ve.+
Muntu lenda sala mono inki?+
12 Balusilu yina mono salaka na nge me kanga mono, O Nzambi;+Mono ta pesa nge makabu ya matondo.+
13 Sambu nge me gulusa mono* na lufwa+Mpi nge me tanina dikulu na mono sambu yo bula ve sakuba,+Sambu mono tambula na ntwala ya Nzambi na nsemo ya bantu ya moyo.+
Banoti na nsi ya lutiti
^ Tala Bantendula ya Bangogo.
^ To “ke tuba mambu ya mbi sambu na.”
^ Na kisina, “Nsuni.”
^ To “moyo.”
^ To “moyo na mono.”
