Nkunga 55:1-23
Na ntwadisi; ya kuyimba ti bima ya kubudila miziki ya kele ti bansinga. Maskile.* Ya Davidi.
55 Wa kisambu na mono, O Nzambi,+Mpi kumona ve mpamba kisambu ya mono ke sala sambu nge wila mono mawa.*+
2 Tudila mono dikebi mpi pesa mono mvutu.+
Susi na mono ke sala nde mono yungana,+Mpi mono me kuma kisaka-saka
3 Sambu na mambu yina mbeni ke tubaMpi kuyangisa yina muntu ya mbi ke yangisa mono.
Sambu bo ke landa kufulusila mono bampasi,Mpi na makasi, bo ke bumbila mono kimbeni.+
4 Ntima na mono ke mona mpasi mingi na kati na mono,+Mpi boma ya ngolo ya lufwa me lutila mono.+
5 Boma ti kutekita me simba mono,Mpi matekita me kanga mono.
6 Mono ke landa kutuba nde: “A kana mono vandaka ti mapapu bonso pizio!
Mono zolaka kupumbuka mpi kukwenda kuzinga na lutaninu.
7 Tala! Mono zolaka kutina ntama.+
Mono zolaka kuvanda na ntoto-makanga.+ (Sela)
8 Mono zolaka kukwenda nswalu na kisika ya lutaninuNtama ti mupepe ya makasi, ntama ti mupepe ya ngolo.”
9 Kumisa bo kisaka-saka, O Yehowa, mpi bebisa balukanu na bo,*+Sambu mono me mona mubulu ti mavwanga na mbanza.
10 Mpimpa ti mwini yo ke tambula na nziunga ya bibaka na yo;Mayele ya mbi ti mavwanga kele na kati na yo.+
11 Kubeba kele na kati na yo;Kuniokwama ti luvunu ke katukaka ve ata fioti na bala-bala na yo ya nene.+
12 Sambu mbeni ve muntu ke sosila mono;+Kana ve mono zolaka kukangila yo ntima.
Muntu ke nwanisa mono kele ve muntu yina ke mengaka mono;Kana ve mono zolaka kubumbana na ntwala na yandi.
13 Kansi yo kele nge, muntu yina kele bonso mono,*+Nduku na mono yina mono me zaba mbote.+
14 Beto vandaka ti kinduku ya ngolo;Beto vandaka kutambula kumosi ti bantu mingi na kati ya nzo ya Nzambi.
15 Bika lufwa kukanga bo!+
Bika bo kwenda ya moyo na Maziamu;*Sambu mambu ya mbi kele na kati-kati na bo mpi na kati na bo.
16 Kansi mono, mono ta binga Nzambi,Ebuna Yehowa ta gulusa mono.+
17 Na nkokila, na suka, mpi na midi, mono ke kudiyangisa mpi mono ke dila,*+Mpi yandi ke wa ndinga na mono.+
18 Yandi ta gulusa* mono mpi ta pesa mono* ngemba na bantu yina ke nwanisa mono,Sambu bantu mingi ke kwisa kunwanisa mono.+
19 Nzambi ta wa mpi ta pesa bo mvutu,+Muntu yina me vanda na kiti ya kimfumu katuka ntama.+ (Sela)
Bo ta buya kusoba,Bantu yina me wa ve Nzambi boma.+
20 Yandi* nwanisaka bantu yina vandaka na ngemba ti yandi;+Yandi fwaka kuwakana na yandi.+
21 Bangogo na yandi kele kitoko kuluta manteka,+Kansi mavwanga kele na ntima na yandi.
Bangogo na yandi kele pete kuluta mafuta,Kansi yo kele bambele ya bitumba ya bo me basisa.+
22 Losila Yehowa kizitu na nge,+Ebuna yandi ta sadisa nge.+
Yandi ta pesa ve nzila ata fioti nde muntu ya lunungu kubwa.*+
23 Kansi nge, O Nzambi, nge ta kulumusa bo na dibulu ya nda kibeni.+
Bantu yina kele na mfuka ya menga mpi ya ke kusaka ta zinga ve tii na kati-kati ya bilumbu na bo.+
Kansi mono, mono ta tudila nge ntima.
Banoti na nsi ya lutiti
^ Tala Bantendula ya Bangogo.
^ To “Mpi kudibumba ve ntangu mono ke samba sambu na kulomba lusadisu.”
^ Na kisina, “kabula ludimi na bo.”
^ To “muntu, muntu ya me fwanana ti mono.”
^ To “Sheole,” disongidila, maziamu ya bantu yonso. Tala Bantendula ya Bangogo.
^ To “ke tula milolo.”
^ Na kisina, “sumbulula.”
^ To “moyo na mono.”
^ Disongidila, nduku ya ntama yina bo ke tubila na verse 13 mpi 14.
^ To “kutambula na lunziungu.”
