Nkunga 5:1-12

  • Yehowa, kitininu ya bantu ya lunungu

    • Nzambi ke mengaka mambu ya mbi (4, 5)

    • “Twadisa mono na lunungu na nge” (8)

Na ntwadisi sambu na Nehiloti.* Nkunga ya Davidi. 5  Wa bangogo na mono, O Yehowa;+Tula dikebi na kudila na mono.   Tula dikebi na kudila na mono sambu na kulomba lusadisu,O Ntotila na mono mpi Nzambi na mono, sambu mono ke samba nge.   O Yehowa, nge ta wa ndinga na mono na suka;+Na mene-mene mono ta songa nge diambu yina ke yangisa mono+ mpi mono ta vingila ti kivuvu.   Sambu nge kele ve Nzambi yina ke waka kiese na mambu ya mbi;+Muntu mosi ve ya mbi lenda bikala ti nge.+   Muntu mosi ve ya lulendo lenda telama na ntwala na nge. Nge ke mengaka bantu yonso yina ke salaka mambu ya mbi;+   Nge ta fwa bantu yina ke tubaka luvunu.+ Yehowa ke mengaka muntu ya mubulu mpi ya ke kusaka.*+   Kansi mono ta kota na nzo na nge+ sambu na zola na nge ya kwikama ya nene;+Mono ta fukama na ndambu ya tempelo* na nge ya santu ti boma mpi luzitu sambu na nge.+   O Yehowa, twadisa mono na lunungu na nge sambu na bambeni na mono;Yidika nzila na nge sambu na mono.+   Sambu bantu lenda tula ve ntima na mambu ya bo ke tubaka;Kima mosi ve kele na kati na bo kaka mayele ya mbi;Mungungu na bo kele maziamu ya kukanguka;Bo ke lebaka ti ludimi na bo.*+ 10  Kansi Nzambi ta tuba nde bo me sala mbi;Mayele na bo mosi ya mbi ta bwisa bo.+ Bika bo tinisa bo sambu na mambu na bo mingi ya mbi,Sambu bo me kolamina nge. 11  Kansi bantu yonso yina ke tinaka na nge ta vanda na kiese;+Bo ta tulaka milolo ya kiese ntangu yonso. Nge ta kanga nzila ya kukuma kisika bo kele,Mpi bantu yina ke zolaka zina na nge ta yangalala na nge. 12  Sambu nge ta sakumuna konso muntu ya lunungu, O Yehowa;Nge ta ziunga bo ti kundimama na nge bonso ti kitaninu ya nene.+

Banoti na nsi ya lutiti

To “muntu yina ke tiamunaka menga mpi ke kusaka.”
To “ya kisika ya santu.”
To “Bo ke sadilaka ludimi ya sukadi.”