Nkunga 48:1-14
Nkunga. Miziki ya bana ya Kora.+
48 Yehowa kele nene mpi yandi me fwana na kubaka lukumuNa mbanza ya Nzambi na beto, na ngumba na yandi ya santu.
2 Yo kele kitoko na bisika na yo ya kunanguka, yo ke pesa kiese na ntoto ya mvimba,+Yo yina Ngumba ya Sioni yina kele ntama kibeni na nordi,Mbanza ya Ntotila ya Nene.+
3 Na banzo-zulu na yo ya kele ti bibaka ya ngolo,Nzambi me zabisa nde yandi kele kisika ya mbote ya kubumbana.*+
4 Tala! Bantotila me vukana;*Bo me kwenda kumosi.
5 Ntangu bo monaka yo, bo yitukaka.
Bo kumaka kisaka-saka mpi bo tinaka na boma ya ngolo.
6 Matekita simbaka bo kuna,Mpasi bonso mpasi ya nkento yina ke buta.
7 Na mupepe ya esti, nge dindisaka bamaswa ya Tarsisi.
8 Mambu yina beto waka, beto me mona yo ntangu yai beto mosiNa mbanza ya Yehowa ya makesa, na mbanza ya Nzambi na beto.
Nzambi ta tedimisa yo ngolo kimakulu.+ (Sela)
9 Beto ke yindulula zola na nge ya kwikama, O Nzambi,+Na kati ya tempelo na nge.
10 Bonso zina na nge, O Nzambi, lukumu na ngeKe kuma tii na nsuka ya ntoto.+
Diboko na nge ya kitata me fuluka ti lunungu.+
11 Bika Ngumba ya Sioni+ kuwa kiese,Bika babwala* ya Yuda kuyangalala, sambu na balusambisu na nge.+
12 Beno tambula na nziunga ya Sioni; beno tambula na nziunga na yo;Beno tanga banzo-zulu na yo.+
13 Beno tula bantima na beno na bibaka na yo ya lutaninu.*+
Beno tala-tala banzo-zulu na yo ya kele ti bibaka ya ngolo,Sambu beno tubila yo na bandonga ya bantu yina ke kwisa.
14 Sambu Nzambi yai kele Nzambi+ na beto mvula na mvula.
Yandi ta twadisaka beto kimakulu.*+
