Nkunga 44:1-26

  • Kisambu sambu na kulomba lusadisu

    • “Nge muntu gulusaka beto” (7)

    • “Bonso mameme yina bo fwete fwa” (22)

    • “Telama sambu na kusadisa beto!” (26)

Na ntwadisi. Ya bana ya Kora.+ Maskile.* 44  O Nzambi, beto me wa na makutu na beto,Ba-nkaka na beto me telaka beto,+Bisalu yina nge salaka na bilumbu na bo,Na bilumbu ya ntama kibeni.   Nge kulaka makanda ti diboko na nge+Mpi nge tulaka ba-nkaka na beto kuna.+ Nge bedisaka makanda mpi nge kulaka bo.+   Bo bakaka ve ntoto yina na nsadisa ya mbele na bo ya bitumba,+Mpi bo nungaka ve na ngolo ya diboko na bo mosi.+ Kansi, yo vandaka na nsadisa ya diboko na nge ya kitata, diboko na nge,+ mpi nsemo ya luse na nge,Sambu nge sepelaka na bo.+   Nge kele Ntotila na mono, O Nzambi;+Pesa ntuma sambu Yakobi kununga* kibeni.   Na nsadisa ya ngolo na nge, beto ta vutula bambeni na beto nima;+Na zina na nge, beto ta niata bantu yina ke nwanisa beto.+   Sambu mono ke tula ve ntima na munduki na mono ya tolo-tolo,Mpi mbele na mono ya bi- tumba lenda gulusa mono ve.+   Nge muntu gulusaka beto na bambeni na beto,+Nge muntu pesaka bantu yina ke mengaka beto nsoni.   Beto ta kumisa Nzambi kilumbu ya mvimba,Mpi beto ta pesa matondo na zina na nge kimakulu. (Sela)   Kansi ntangu yai, nge me losa beto mpi nge me pesa beto nsoni,Mpi nge ke kwenda ve na bitumba ti basoda na beto. 10  Nge ke landa kusala nde beto vutuka nima na ntwala ya mbeni na beto;+Bantu yina ke mengaka beto ke baka konso kima yina bo ke zola. 11  Nge me pesa beto na maboko ya bambeni sambu bo dia beto bonso mameme;Nge me panza beto na kati ya makanda.+ 12  Nge ke teka bantu na nge na ntalu fioti kibeni;+Nge me baka ve luta na mutindu nge me teka bo.* 13  Nge me kumisa beto kima ya nsoni sambu na bantu ya ke zingaka pene-pene na beto,Bantu yonso yina kele na nziunga na beto me kuma kuvweza mpi kuseka beto. 14  Nge me kumisa beto kima yina makanda ke vweza.+Kima yina makanda ke nikisila ba-ntu. 15  Mono ke wa nsoni kilumbu ya mvimba,Mpi nsoni me lutila mono, 16  Sambu na makelele ya masota mpi ya mafingu na bo,Sambu na mbeni na beto yina ke vutula mbi. 17  Mambu yai yonso me bwila beto, kansi beto me vila nge ve,Mpi beto me fwa ve kuwakana na nge.+ 18  Ntima na beto me yambulaka nge ve;Makulu na beto ke katuka ve na nzila na nge. 19  Kansi nge me bedisa beto kisika yina bambwa ya nseke ke zingaka;Nge me fika beto ti mpimpa ya ngolo. 20  Kana beto me vila zina ya Nzambi na betoTo kana beto tandulaka maboko na beto sambu na kusamba nzambi ya nzenza, 21  Keti Nzambi zolaka kuzaba yo ve? Yandi ke zabaka binsweki ya ntima.+ 22  Bo ke fwa beto kilumbu ya mvimba sambu na nge;Bo ke mona beto bonso mameme yina bo fwete fwa.+ 23  Telama. Sambu na nki nge ke landa kulala, O Yehowa?+ Telama! Kulanda ve kulosa beto kimakulu.+ 24  Sambu na nki nge ke bumba luse na nge? Sambu na nki nge ke vila mpasi na beto ti kuniokwama na beto? 25  Sambu bo me bwisa beto* na mfututu;Bo ke niema nitu na beto na ntoto.+ 26  Telama sambu na kusadisa beto!+ Gulusa* beto sambu na zola na nge ya kwikama.+

Banoti na nsi ya lutiti

To “kuguluka.”
To “ti ntalu ya bo me futa sambu na bo.”
To “mioyo na beto.”
Na kisina, “Sumbulula.”