Nkunga 40:1-17

  • Kupesa matondo na Nzambi yina me fwanana ve ti muntu ya nkaka

    • Bisalu ya Nzambi kele mingi kuluta yina beto lenda tubila (5)

    • Bimenga kele ve bima ya ntete yina Nzambi ke tudilaka dikebi (6)

    • “Mono ke vandaka na kiese na kusala luzolo na nge” (8)

Na ntwadisi. Ya Davidi. Nkunga. 40  Mono tulaka kivuvu ya ngolo na* Yehowa,Mpi yandi tudilaka mono dikutu* mpi waka kudila na mono sambu na kulomba lusadisu.+   Yandi basisaka mono na dibulu yina masa na yo ke tula makelele,Yandi basisaka mono na poto-poto. Mpi yandi tulaka makulu na mono na zulu ya ditadi;Yandi salaka nde makulu na mono kutambula mbote.   Na nima yandi tulaka nkunga ya mpa na munoko na mono,+Nkunga ya kukumisa Nzambi na beto. Bantu mingi ta tala ti bomaMpi bo ta tudila Yehowa ntima.   Kiese na muntu yina ke tudilaka Yehowa ntimaMpi yina ke tulaka ve ntima na bankolami to na bantu yina ke kusaka.*   Nge me salaka mambu mingi,O Yehowa Nzambi na mono,Bisalu na nge ya kuyituka mpi mabanza na nge sambu na beto.+ Muntu mosi ve me fwanana ti nge;+Kana yo lombaka nde mono meka kuzabisa mpi kutubila yo,Yo zolaka kuvanda mingi kuluta yina mono lenda tubila!+   Nge zolaka ve* kimenga mpi dikabu,+Kansi nge kangulaka makutu na mono sambu mono wa.+ Nge lombaka ve makabu ya kuyoka mpi makabu sambu na disumu.+   Ebuna mono tubaka nde: “Tala, mono me kwisa. Na rulo* bo me sonikaka sambu na mono.+   O Nzambi na mono, mono ke vandaka na kiese na* kusala luzolo na nge,+Mpi nsiku na nge kele kibeni na kati na mono.+   Mono ke zabisa nsangu ya mbote ya lunungu na dibundu ya nene.+ Tala! Mono ke kanga ve munoko na mono,+O Yehowa, mutindu nge me zaba yo mbote. 10  Mono ke bumba ve lunungu na nge na ntima na mono. Mono ke zabisa kwikama mpi luguluku na nge. Mono ke bumba ve zola na nge ya kwikama mpi kieleka na nge na dibundu ya nene.”+ 11  O Yehowa, kuyimina mono ve mawa na nge. Bika nde zola na nge ya kwikama mpi kieleka na nge kutanina mono ntangu yonso.+ 12  Bampasi yina me ziunga mono kele mingi mpila ya kutanga yo kele ve.+ Bifu na mono mingi me lutila mono yo yina mono lenda mona ve nzila na mono;+Yo kele mingi kuluta nsuki ya ntu na mono,Mpi mono me lemba nitu. 13  Pardo, O Yehowa, vanda ya kuyilama na kugulusa mono.+ O Yehowa, kwisa kusadisa mono nswalu.+ 14  Bika nde bantu yonso yina ke sosa kufwa mono*Bo wa nsoni kibeni. Bika nde bantu yina ke wa kiese na mpasi na monoBo vutuka kinima-nima na nsoni. 15  Bika nde bantu yina ke tubila mono nde: “Aa! Aa!” Bo wa boma sambu na nsoni na bo. 16  Kansi bika nde bantu yina ke sosa nge+Kuyangalala mpi kuwa kiese sambu na nge.+ Bika nde bantu yina ke zolaka mutindu nge ke gulusaka kutuba ntangu yonso nde: “Bika Yehowa kubaka lukumu.”+ 17  Kansi mono me konda lusadisu mpi mono kele nsukami;Bika Yehowa kutudila mono dikebi. Nge kele nsadisi na mono mpi ngulusi na mono;+Nzambi na mono, kusukinina ve.+

Banoti na nsi ya lutiti

To “vingilaka ti ntima-nda.”
To “fumbamaka mpi widikilaka mono.”
To “bantu ya luvunu.”
To “sepelaka ve ti.”
Na kisina, “rulo ya mukanda.”
To “ke zolaka.”
To “moyo na mono.”