Nkunga 38:1-22

  • Kisambu ya muntu mosi ya me balula ntima mpi ya ke mona mpasi

    • “Mono ke kudiyangisa mpi mono me lemba nitu mingi kibeni” (6)

    • Yehowa ke waka bantu yina ke vingilaka yandi (15)

    • “Disumu na mono vandaka kuyangisa mono” (18)

Nkunga ya Davidi, sambu yo vanda ngibusa.* 38  O Yehowa, kunganina mono ve na makasi na nge,Mpi kusungika mono ve na nganzi na nge.+   Sambu batolo-tolo na nge me tobula mono ngolo,Mpi diboko na nge ke niema mono.+   Nitu na mono ya mvimba ke bela* sambu na makasi na nge. Ngemba kele ve na mikwa na mono sambu na disumu na mono.+   Sambu bifu na mono kele na zulu ya ntu na mono;+Bonso kizitu ya kilo, yo me lutila mono mpila ya kunata yo kele ve.   Bamputa na mono ke basisa nsudi ya mbi mpi tufinaSambu na buzoba na mono.   Mono ke kudiyangisa mpi mono me lemba nitu mingi kibeni;Mono ke tambula ti mawa kilumbu ya mvimba.   Tiya ke pela na kati na mono;*Nitu na mono ya mvimba ke bela.+   Mono kele na ngolo diaka ve mpi mono me lemba kibeni;Ntima na mono yina kele na mpasi ke sala nde mono dila ngolo.   O Yehowa, banzala na mono yonso kele na ntwala na nge,Mpi kudila na mono kele ve ya kubumbana na meso na nge. 10  Ntima na mono ke bula, ngolo na mono me mana,Mpi nsemo ya meso na mono me bikisa mono.+ 11  Banduku na mono ti bankundi na mono ke buya mono sambu na bamputa na mono,Mpi bantu yina mono me zaba mbote-mbote ke bikala ntama. 12  Bantu yina ke sosa luzingu* na mono me tula mitambu;Bantu yina ke sosa kusala mono mbi ke tubila lufwa;+Bo ke tuba mambu ya luvunu na nsi-nsi kilumbu ya mvimba. 13  Kansi bonso kifwa-makutu, mono vandaka kuwa ve;+Bonso baba, mono vandaka ve kukangula munoko na mono.+ 14  Mono me kuma bonso muntu yina lenda wa ve,Yina munoko na yandi kele ve ti kima ya kutuba sambu na kusamba. 15  Sambu mono vingilaka nge, O Yehowa,+Mpi nge pesaka mono mvutu, O Yehowa Nzambi na mono.+ 16  Sambu mono tubaka nde: “Bika bo wa ve kiese sambu na mpasi na mono,Mpi bo kudikumisa ve sambu na mono kana dikulu na mono kusietumuka.” 17  Sambu yo bikalaka fioti nde mono bwa,Mpi mpasi na mono vandaka ntangu yonso ti mono.+ 18  Mono fungunaka kifu na mono;+Disumu na mono vandaka kuyangisa mono.+ 19  Kansi bambeni na mono kele kikesa* mpi ngolo,*Bantu yina ke mengaka mono kukonda kikuma me kuma mingi. 20  Bo vutudilaka mono mbi sambu na mambote;Bo vandaka kunwanisa mono sambu mono vandaka kulanda mambu ya mbote. 21  Kuyambula mono ve, O Yehowa. O Nzambi, kubikala ve ntama mingi ti mono.+ 22  Kwisa kusadisa mono nswalu,O Yehowa, luguluku na mono.+

Banoti na nsi ya lutiti

To “sambu na kuyibuka.”
Na kisina, “Kele ve ti kisika ya mbote na nsuni na mono.”
Na kisina, “Bapiku na mono me fuluka ti bamputa ya tiya.”
To “moyo.”
Na kisina, “kele na luzingu.”
To mbala ya nkaka, “Kansi bambeni na mono kele mingi kukonda kikuma.”