Nkunga 35:1-28

  • Kisambu sambu na kuguluka na maboko ya bambeni

    • Bo ta kula bambeni (5)

    • Kukumisa Nzambi na kati ya bantu mingi (18)

    • HKimbeni kukonda kikuma (19)

Ya Davidi. 35  O Yehowa, samba diambu na mono ti bambeni na mono;+Nwanisa bantu yina ke nwanisa mono.+   Baka kitaninu na nge ya fioti* mpi ya nene,+Mpi telama sambu na kunwanina mono.+   Nangula dikonga na nge mpi disoka na nge mpi disoka na nge ya bitumba* sambu na kunwana ti bantu yina ke landa mono.+ Tubila mono* nde: “Mono kele luguluku na nge.”+   Bika bo pesa bantu yina ke zomba mono nsoni mpi bo kulumusa bo.+ Bika bantu yina ke sadila mono komplo kuvutuka nima na nsoni.   Bika bo kuma bonso kimpusu na mupepe;Bika wanzio ya Yehowa kukula bo.+   Bika nzila na bo kuvanda mpimpa mpi butesiNtangu wanzio ya Yehowa ke landa bo.   Bo me bumba bukondi sambu na kukanga mono kukonda kikuma;Bo me timuna dibulu kukonda kikuma sambu na mono.*   Bika nde mpasi kubwila yandi na kintulumukina;Bika nde bukondi yina yandi bumbaka kukanga yandi;Bika nde yandi bwa na kati na yo mpi kufwa.+   Kansi mono* ta wa kiese na Yehowa;Mono ta yangalala sambu yandi ke gulusaka. 10  Mikwa na mono yonso ta tuba nde: “O Yehowa, nani kele bonso nge? Nge ke gulusa muntu yina me konda lusadisu na maboko ya bantu yina kele ngolo mingi,+Muntu yina me konda lusadisu mpi nsukami na maboko ya bantu yina ke yiba bo.”+ 11  Bambangi ya kele ti bangindu ya mbi me basika,+Bo ke yula mono mambu yina mono me zaba ve ata fioti. 12  Bo ke vutudila mono mbi sambu na mambote,+Bo ke sala nde mono vanda* ti mawi ya muntu yina me fwila. 13  Kansi ntangu bo belaka, mono lwataka saki;Mono* kudimonisaka mpasi mpi buyaka madia,Mpi ntangu kisambu na mono vandaka kuvutuka kukonda mvutu,* 14  Mono tambulaka ke dila bonso mono ke dila nduku to mpangi na mono;Mono fukamaka na mawa, bonso muntu ya ke dila mama na yandi. 15  Kansi ntangu mono bulaka sakuba, bo waka kiese mpi bo vukanaka;Bo vukanaka sambu na kubumbana mpi kufwa mono;Bo zengaka mono bitini-bitini mpi bo vandaka ve pima. 16  Bantu yina ke vwezaka Nzambi ke seka mono na kuvweza yonso,*Bo ke kwetisila mono meno.+ 17  O Yehowa, tii nki ntangu nge ta talaka kaka?+ Gulusa mono* na bitumba ya bo ke nwanisa mono,+Luzingu na mono ya mfunu* na maboko ya bana-bantambu.*+ 18  Ebuna mono ta pesa nge matondo na dibundu ya nene;+Mono ta kumisa nge na kati ya bantu mingi. 19  Kubika ve bantu yina kele bambeni na mono kukonda kikuma kuwa kiese sambu na mpasi na mono;Kubika ve bantu yina ke mengaka mono kukonda kikuma+ kubweta meso na bo sambu na kusala mono mbi.+ 20  Sambu bo ke tuba ve bangogo ya ngemba,Kansi na luvunu yonso bo ke kana bantu ya ngemba ya insi.+ 21  Bo me kangula munoko na bo nene sambu na kufunda mono,Bo ke tuba nde: “Aa! Aa! Meso na beto me mona yo.” 22  O Yehowa, nge me mona mambu yai. Kuvanda ve pima.+ O Yehowa, kubikala ve ntama ti mono.+ 23  Sikama mpi telama sambu na kunwanina mono,Nzambi na mono, Yehowa, samba diambu na mono. 24  Sambisa mono na kuwakana ti lunungu na nge,+ O Yehowa Nzambi na mono;Kubika ve nde bo wa kiese sambu na mpasi na mono. 25  Bika bo kuditubila ve ata fioti nde: “Aa! Beto me baka kima yina beto vandaka kusosa.”* Bika bo tuba ve ata fioti nde: “Beto me mina yandi.”+ 26  Bika bo yonso bo wa nsoni kibeni,Bantu yina ke wa kiese sambu na mpasi na mono. Bika nsoni kulwata bantu yina ke kudikumisaka sambu na mpasi na mono mpi bo wa nsoni. 27  Kansi bika bantu yina ke vandaka na kiese na lunungu na mono kutula milolo ya kiese;Bika bo tuba ntangu yonso nde: “Bika Yehowa kubaka lukumu, yandi muntu ke monaka kiese na ngemba ya nsadi na yandi.”+ 28  Ebuna ludimi na mono ta tubila* lunungu na nge+Mpi ta kumisa nge kilumbu ya mvimba.+

Banoti na nsi ya lutiti

Kitaninu mosi ya fioti, mbala mingi bantu ya ke sadilaka munduki ya tolo-tolo bantu vandaka kulwata yo.
To “disoka ya meno zole.”
To “moyo na mono.”
To “moyo na mono.”
To “moyo na mono.”
To “nde moyo na mono kuvanda.”
To “Moyo na mono.”
To “vandaka kuvutuka na ntulu na mono.”
To mbala ya nkaka, “Bantu yina ke vwezaka Nzambi ke seka sambu na gato.”
To “moyo na mono.”
Na kisina, “Mosi kaka ya mono kele na yo,” yo ke tubila moyo na yandi to luzingu.
To “bana-bantambu yina kele ti mika mingi na nkingu.”
To “Aa! Moyo na beto.”
To “yindulula.”