Nkunga 28:1-9

  • Nzambi me wa kisambu ya muyimbi-bankunga

    • Yehowa, ngolo na mono mpi kitaninu na mono’ (7)

Ya Davidi. 28  Mono ke landa kubinga nge, O Yehowa Ditadi na mono;+Wa mono. Kana nge vanda pima na ntwala na mono,Mono ta kuma bonso bantu yina ke kulumuka na dibulu.*+   Wa mambu ya mono ke lomba ntangu mono ke didila nge sambu nge sadisa mono,Ntangu mono ke tombula maboko na mono na ndambu ya suku ya kati kibeni ya kisika na nge ya santu.+   Kubenda mono ve ti bantu ya mbi, ti bantu yina ke salaka mambu ya ke pesaka mpasi,+Bantu yina ke tubaka bangogo ya ngemba ti bankweno na bo, na ntangu mambu ya mbi kele na bantima na bo.+   Futa bo sambu na bisalu na bo,+Na kutadila bisalu na bo ya mbi. Futa bo sambu na bisalu ya maboko na bo,Na kutadila mambu yina bo me sala.+   Sambu bo ke tula ve dikebi na bisalu ya Yehowa,+Mpi na kisalu ya maboko na yandi.+ Yandi ta bwisa bo mpi yandi ta tunga bo ve.   Bika Yehowa kubaka lukumu,Sambu yandi me wa bisambu ya mono ke sala sambu na kulomba lusadisu.   Yehowa kele ngolo na mono+ mpi kitaninu na mono;+Ntima na mono ke tudila yandi ntima.+ Yandi me sadisa mono, mpi ntima na mono ke wa kiese,Yo yina mono ta kumisa yandi na nkunga na mono.   Yehowa kele ngolo ya bantu na yandi;Yandi kele kisika ya ngolo ya lutaninu, yandi ke gulusaka kibeni muntu yina yandi me tulaka mafuta.+   Gulusa bantu na nge, mpi sakumuna dikabu na nge.+ Gungula bo mpi nata bo na maboko na nge kima- kulu.+

Banoti na nsi ya lutiti

To “maziamu.”