Nkunga 20:1-9
-
Luguluku ya ntotila yina Nzambi me tulaka mafuta
-
Bantu ya nkaka ke tulaka ntima na bapusu-pusu ti bampunda, “kansi beto, beto ke bingaka zina ya Yehowa” (7)
-
Na ntwadisi. Nkunga ya Davidi.
20 Bika Yehowa kupesa nge mvutu na kilumbu ya mpasi.
Bika zina ya Nzambi ya Yakobi kutanina nge.+
2 Bika yandi tindila nge lusadisu katuka na kisika ya santu+Mpi yandi sadisa nge katuka na Sioni.+
3 Bika yandi yibuka makabu na nge yonso;Bika yandi ndima dikabu na nge ya kuyoka. (Sela)
4 Bika yandi lungisa banzala ya ntima na nge+Mpi yandi nungisa mambu yonso ya nge ke kana.
5 Beto ta tula milolo ya kiese sambu nge ke gulusaka;+Beto ta tombula bidimbu na beto na zina ya Nzambi na beto.+
Bika Yehowa kulungisa mambu yonso ya nge ke lomba.
6 Ntangu yai mono me zaba nde Yehowa ke gulusaka muntu yina yandi me tulaka mafuta.+
Yandi ke pesaka yandi mvutu katuka na zulu na yandi ya santuNa mutindu yandi ke gulusaka* kibeni na nsadisa ya diboko na yandi ya kitata.+
7 Bantu ya nkaka ke tulaka ntima na bapusu-pusu mpi bankaka na bampunda,+Kansi beto, beto ke bingaka zina ya Yehowa Nzambi na beto.+
8 Bo me bula sakuba mpi bo me bwa,Kansi beto, beto me telama mpi bo me vutula beto.+
9 O Yehowa, gulusa ntotila!+
Yandi ta pesa beto mvutu kilumbu yina beto ta binga yandi sambu na kulomba lusadisu.+
Banoti na nsi ya lutiti
^ To “ke nungisaka.”
