Nkunga 19:1-14
Na ntwadisi. Nkunga ya Davidi.
19 Zulu ke zabisaka nkembo ya Nzambi;+Zulu* ke samunaka kisalu ya maboko na yandi.+
2 Konso kilumbu bangogo na yo ke wakanaka,Konso mpimpa yo ke songaka nzayilu.
3 Kutuba kele ve, mpi bangogo kele ve;Ndinga na yo ke wakana ve.
4 Kansi makelele na yo* me kwenda na ntoto ya mvimba,Mpi nsangu na yo me kwenda tii na nsuka ya ntoto ya mvimba.*+
Yandi me tulaka tenta na zulu sambu na ntangu;
5 Yo kele bonso bakala mosi ya ke kwela yina ke basika na suku ya makwela;Yo ke yangalala bonso bakala ya ngolo yina ke waka kiese na kubaka ntinu.
6 Yo ke basika na nsuka mosi ya zulu,Yo ke baluka tii na nsuka na yo ya nkaka;+Mpi kima mosi ve kele ya kubumbana na tiya na yo.
7 Nsiku ya Yehowa kele ya kukuka,+ yo ke vutulaka ngolo.*+
Bangibusa ya Yehowa me fwana na kutudila ntima,+ yo ke kumisaka mayele muntu yina me konda mayele.+
8 Bantuma ya Yehowa kele ya lunungu, yo ke pesaka ntima kiese;+Nsiku ya Yehowa kele bunkete, yo ke salaka nde meso kusema.+
9 Boma ya Yehowa+ kele bunkete, yo ke zingaka kimakulu.
Balusambisu ya Yehowa kele ya kieleka, yonso kele ya lunungu.+
10 Bo ke zolaka yo mingi kuluta wolo,Kuluta wolo mingi ya mbote,*+Mpi yo kele ntomo kuluta bwiki,+ bwiki yina ke kulumuka na nzo ya bwiki.
11 Yo me kebisa nsadi na nge;+Kuzitisa yo kele ti matabisi mingi.+
12 Nani lenda bakisa bifu?+
Na masumu yina mono me zaba ve, zenga nde mono me sala mbi ve.
13 Mpi kupesa ve nzila nde nsadi na nge kusala mambu ya lulendo;+Kubika ve nde yo yala mono.+
Ebuna mono ta vanda muntu ya kukuka,+Mpi mono ta vanda ve ti masumu* mingi.
14 Bika bangogo ya munoko na mono mpi kuyindulula ya ntima na monoKupesa nge kiese,+ O Yehowa, Ditadi na mono+ mpi Muntu yina ke sumba mono diaka.+
Banoti na nsi ya lutiti
^ To “Mpwasa ya ntete.”
^ To mbala ya nkaka, “nsinga na yo ya kutesila.”
^ To “ntoto yina ke butaka.”
^ To “ke vutulaka moyo.”
^ To “ya bunkete.”
^ To “mbi.”
