Nkunga 18:1-50

  • Kukumisa Nzambi sambu na luguluku

    • “Yehowa kele ditadi na mono” (2)

    • Yehowa ke vandaka ya kwikama na bantu ya kwikama (25)

    • Nzila ya Nzambi kele ya kukuka (30)

    • “Kudikulumusa na nge ke kumisa mono muntu ya nene” (35)

Na ntwadisi. Ya Davidi nsadi ya Yehowa, yina tubaka bangogo ya nkunga yai na Yehowa kilumbu yina Yehowa gulusaka yandi na maboko ya bambeni na yandi yonso mpi na maboko ya Saule. Yandi tubaka nde:+ 18  Mono ke zolaka nge, O Yehowa, ngolo na mono.+   Yehowa kele ditadi na mono, kisika na mono ya ngolo ya lutaninu, mpi Muntu yina ke gulusaka mono.+ Nzambi na mono kele ditadi na mono,+ mono ke tinaka na yandi,Kitaninu na mono mpi kibongo na mono* ya luguluku,* kisika na mono ya mbote ya kubumbana.*+   Mono ke binga Yehowa, yina me fwana na kubaka lukumu,Mpi yandi ta gulusa mono na maboko ya bambeni na mono.+   Bansinga ya lufwa ziungaka mono;+Bamvula ya ngolo ya kintulumukina ya bantu ya kukonda mfunu pesaka mono boma.+   Bansinga ya Maziamu* ziungaka mono;Mitambu ya lufwa kangaka mono.+   Na mpasi na mono, mono bingaka Yehowa,Mono landaka kudidila Nzambi na mono sambu yandi sadisa mono. Kuna na tempelo na yandi, yandi waka ndinga na mono,+Mpi kudila na mono sambu na kulomba lusadisu kumaka na makutu na yandi.+   Ntoto yantikaka kunikana mpi kutekita;+Bafondasio ya bangumba tekitakaMpi yo nikanaka ndambu na ndambu sambu bo pesaka yandi makasi.+   Midinga basikaka na mbombo na yandi mpi tombukaka,Mpi tiya ya ke yokaka basikaka na munoko na yandi;+Makala ya tiya yina vandaka kupela katukaka na yandi.   Yandi salaka nde zulu kufumbama ntangu yandi vandaka kukulumuka,+Mpi mpimpa ya ngolo vandaka na nsi ya makulu na yandi.+ 10  Yandi mataka na zulu ya sherube mpi yandi kwisaka yandi ke pumbuka.+ Yandi kulumukaka ntinu na mapapu ya mpeve mosi.*+ 11  Na nima yandi kudifikaka mpimpa,+Na nziunga na yandi bonso kisika ya lutaninu,Bamasa ya ndombe mpi matuti ya ndombe.+ 12  Na nsemo yina vandaka na ntwala na yandi,Mvula ya matadi mpi makala ya tiya basikaka na matuti. 13  Ebuna Yehowa yantikaka kungana na zulu;+Muntu ya Kuluta Zulu salaka nde ndinga na yandi kuwakana.+Ti mvula ya matadi mpi makala ya tiya. 14  Yandi taka batolo-tolo na yandi mpi panzaka bo;+Yandi tindaka nsemo ya nzasi mpi kumisaka bo kisaka-saka.+ 15  Bansi ya nzadi-mungwa* kumaka kumonana;+Bafondasio ya ntoto monanaka pwelele na kungana na nge, O Yehowa,Na mpema yina basikaka na mbombo na nge.+ 16  Yandi tandulaka diboko katuka na zulu;Yandi simbaka mono mpi basisaka mono na bamasa ya mudindu.+ 17  Yandi gulusaka mono na maboko ya mbeni na mono ya ngolo,+Na maboko ya bantu ya ke mengaka mono, yina vandaka ngolo kuluta mono.+ 18  Bo nwanisaka mono kilumbu yina mono vandaka na mpasi,+Kansi Yehowa sadisaka mono. 19  Yandi basisaka mono mpi nataka mono na kisika ya lutaninu;*Yandi gulusaka mono sambu yandi vandaka kuzola mono.+ 20  Yehowa ke pesa mono matabisi na kutadila lunungu na mono;+Yandi ke futa mono na kutadila maboko na mono yina me sala mbi ve.*+ 21  Sambu mono landaka banzila ya Yehowa,Mono salaka ve mambu ya mbi mpi mono yambulaka ve Nzambi na mono. 22  Balusambisu na yandi yonso kele na ntwala na mono;Mono ta mona ve mpamba bansiku na yandi. 23  Mono ta vanda kaka kukonda kifu na ntwala na yandi,+Mpi mono ta kuditanina sambu na kusala ve kifu.+ 24  Bika Yehowa kufuta mono na kutadila lunungu na mono,+Na kutadila maboko na mono yina me sala ve mbi na meso na yandi.+ 25  Na muntu ya kwikama, nge ke salaka mambu na kwikama;+Na muntu ya kukonda kifu, nge ke salaka mambu kukonda kifu;+ 26  Na muntu ya bunkete, nge ke kudimonisaka bunkete,+Kansi na muntu ya nioka-nioka, nge ke kudimonisaka mayele.+ 27  Sambu nge ke gulusaka bantu yina ke mona mpasi*+Kansi nge ke kulumusaka bantu* ya lulendo.+ 28  Sambu nge muntu ke pedisaka mwinda na mono, O Yehowa,Nzambi na mono yina ke pesaka nsemo na mpimpa yina ke ziunga mono.+ 29  Na lusadisu na nge, mono lenda nwanisa kimvuka ya miyibi;+Na ngolo ya Nzambi, mono lenda mata na kibaka.+ 30  Nzila ya Nzambi ya kieleka kele ya kukuka;+Mambu ya Yehowa ke tubaka kele bunkete.+ Yandi kele kitaninu sambu na bantu yonso yina ke tinaka na yandi.+ 31  Nani kele Nzambi katula Yehowa?+ Mpi nani kele ditadi katula Nzambi na beto?+ 32  Nzambi ya kieleka kele muntu yina ke lwatisaka mono ngolo,+Mpi yandi ta kumisa nzila na mono ya kukuka.+ 33  Yandi ke kumisa makulu na mono bonso ya kabuluku;Yandi ke tedimisa mono na zulu ya bisika ya kunanguka.+ 34  Yandi ke longa maboko na mono mutindu ya kunwana bitumba;Maboko na mono lenda konika munduki ya tolo-tolo ya kwivre. 35  Nge ke pesa mono kitaninu na nge ya luguluku,+Diboko na nge ya kitata ke sadisa mono,Mpi kudikulumusa na nge ke kumisa mono muntu ya nene.+ 36  Nge ke kumisa nzila nene sambu na bitambi na mono;Makulu* na mono ta sietumuka ve.+ 37  Mono ta landa bambeni na mono mpi ta kanga bo;Mono ta vutuka ve tii kuna bo ta mana. 38  Mono ta bedisa bo ebuna bo ta kuka ve kutelama;+Bo ta bwa na nsi ya makulu na mono. 39  Nge ta pesa mono ngolo ya kunwana bitumba;Nge ta bwisa bambeni na mono na nsi na mono.+ 40  Nge ta sala nde bambeni na mono kutina mono,*Mpi mono ta sukisa* bantu yina ke mengaka mono.+ 41  Bo ke dila sambu na kulomba lusadisu, kansi muntu ya kugulusa bo kele ve;Bo ke dila nkutu na Yehowa, kansi yandi ke pesa bo ve mvutu. 42  Mono ta tuta bo fioti-fioti bonso mfututu na mupepe;Mono ta losa bo bonso poto-poto na babala-bala. 43  Nge ta gulusa mono na maboko ya bantu yina ke sosa-sosaka bifu ya bantu.+ Nge ta tula mono mfumu ya makanda.+ Bantu yina mono me zaba ve ta sadila mono.+ 44  Na nsangu ya mpamba yina bo ta wa, bo ta lemfukila mono;Banzenza ta kwisa kufukimina mono ti matekita.+ 45  Banzenza ta lemba nitu;*Bo ta basika na bisika na bo ya ngolo ya lutaninu ti matekita. 46  Yehowa kele na luzingu! Bika nde Ditadi na mono kubaka lukumu!+ Bika nde Nzambi ya luguluku na mono kuvanda na lukumu.+ 47  Nzambi ya kieleka ke vutula mbi sambu na mono;+Yandi ke tula bantu na nsi ya makulu na mono. 48  Yandi ke gulusa mono na maboko ya bambeni na mono ya makasi;Nge ke tombula mono na zulu ya bantu yina ke nwanisa mono;+Nge ke gulusa mono na maboko ya muntu ya mubulu. 49  Yo yina mono ta pesa nge nkembo na kati ya makanda, O Yehowa,+Mpi mono ta yimba bankunga* sambu na kukumisa zina na nge.+ 50  Yandi ke gulusaka kibeni* sambu na ntotila na yandi;+Yandi ke monisaka zola ya kwikama na muntu yina yandi me tulaka mafuta,+Na Davidi mpi na bana* na yandi kimakulu.+

Banoti na nsi ya lutiti

To “ngulusi na mono ya ngolo.”
To “kisika na mono ya kutinina ya kunanguka.”
To “Sheole,” disongidila, maziamu ya bantu yonso. Tala Bantendula ya Bangogo.
To “mupepe.”
To “Banzila ya masa.”
To “kisika mosi ya nene.”
Na kisina, “yina kele bunkete.”
To “bansukami.”
Na kisina, “meso.”
To “Bansafi.”
To “Nge ta pesa mono mukongo ya bambeni na mono.”
Na kisina, “kanga munoko ya.”
To “ta yuma.”
To “ta bula miziki.”
To “ke nungisaka mingi.”
Na kisina, “nkuna.”