Nkunga 17:1-15
Kisambu ya Davidi.
17 O Yehowa, wa kisambu ya mono ke sala sambu nge zenga mambu na lunungu;Tula dikebi na kudila na mono sambu na kulomba lusadisu;Wa kisambu ya mono ke sala na masonga yonso.+
2 Baka lukanu ya mbote sambu na mono;+Bika meso na nge kumona mambu ya mbote.
3 Nge me fimpa ntima na mono, nge me tala mono na mpimpa;+Nge me katula mono mvindu;+Nge me mona nde mono me kana ve ata kima mosi ya mbi,Mpi munoko na mono me fwa ve nsiku.
4 Na yina me tala bisalu ya bantu,Na kuwakana ti mambu yina munoko na nge ke tuba, mono ke landaka ve banzila ya muyibi.+
5 Bika bitambi na mono kubikala na banzila na nge,Sambu makulu na mono kubula ve sakuba.+
6 Mono ke binga nge, sambu nge ta pesa mono mvutu,+ O Nzambi.
Tudila mono dikutu.* Wa bangogo na mono.+
7 Songa zola na nge ya kwikama na mutindu ya kuyituka,+O Ngulusi ya bantu yina ke sosaka kitininu na diboko na nge ya kitataSambu na kutina bantu yina ke kolamaka na ntwala na nge.
8 Tanina mono bonso mbuma ya disu na nge;+Bumba mono na kivudi ya mapapu na nge.+
9 Tanina mono na bantu ya mbi yina ke nwanisa mono,Na bambeni na mono* yina me ziunga mono.+
10 Bo me kuma bantu ya kukonda mawi;*Bo ke tuba na lulendo yonso na munoko na bo;
11 Ntangu yai bo ke ziunga beto;+Bo ke sosa dibaku ya kubwisa beto.*
12 Yandi kele bonso ntambu yina kele na nzala ya ngolo ya kupasula bitini-bitini mbisi yina yo ta kanga,Bonso mwana-ntambu yina me bumbana mpi ke vingila ya kukondama.
13 O Yehowa, telama sambu na kunwanisa yandi+ mpi kubwisa yandi;Gulusa mono* na muntu ya mbi ti mbele na nge ya bitumba;
14 Gulusa mono ti diboko na nge, O Yehowa,Na bantu ya nsi-ntoto yai,* yina dikabu na bo kele na luzingu yai,+Bantu yina nge ke pesaka bima mingi ya kitoko,+Mpi yina ke bikilaka bana na bo mingi dikabu.
15 Kansi mono, mono ta mona luse na nge na lunungu;Mono me fuluka na kiese na kutelama na mpongi na ntwala na nge.*+
Banoti na nsi ya lutiti
^ To “Fumbama mpi widikila mono.”
^ To “bambeni na mono yina ke nwanisa moyo.”
^ To “Bo me kudikanga na mafuta na bo.”
^ To “kubwisa beto na ntoto.”
^ To “moyo na mono.”
^ To “ngidika ya bima.”
^ To “na kumona mutindu nge kele.”
