Nkunga 148:1-14

  • Bigangwa yonso fwete kumisa Yehowa

    • “Beno kumisa yandi, beno bawanzio na yandi yonso” (2)

    • ‘Beno kumisa yandi, ntangu, ngonda, mpi bambwetete’ (3)

    • Baleke ti minunu fwete kumisa Nzambi (12, 13)

148  Beno kumisa Yah!* Beno kumisa Yehowa katuka na zulu;+Beno kumisa yandi na bisika ya kunanguka.   Beno kumisa yandi, beno bawanzio na yandi yonso.+ Beno kumisa yandi, beno makesa na yandi yonso.+   Beno kumisa yandi, ntangu ti ngonda. Beno kumisa yandi, beno yonso bambwetete ya ke semaka.+   Beno kumisa yandi, O zulu ya kuluta zulu*Mpi bamasa ya kele na zulu ya zulu.   Bika yo kumisa zina ya Yehowa,Sambu yandi pesaka nsiku, ebuna yo gangamaka.+   Yandi me tedimisaka yo mvula na mvula;+Yandi me basisaka nsiku yina ta luta ve.+   Beno kumisa Yehowa katuka na ntoto,Beno bigangwa ya nene ya nzadi-mungwa mpi bamasa yonso ya mudindu,   Beno banzasi ti mvula ya matadi, mvula ya mpembe* ti matuti ya nene,Nge mupepe ya ngolo, yina ke lungisaka ndinga na yandi,+   Beno bangumba ya nene mpi beno bangumba yonso ya fioti,+Beno banti ya ke butaka bambuma mpi beno banti yonso ya sedre,+ 10  Beno bambisi ya mfinda+ mpi beno bambisi yonso ya bwala,Beno bima ya ke tambulaka divumu na ntoto mpi bandeke ya kele ti mapapu, 11  Beno bantotila ya ntoto mpi beno makanda yonso,Beno bamfumu mpi beno bazuzi yonso ya ntoto,+ 12  Beno baleke ya babakala mpi baleke ya bankento,*Minunu ti baleke. 13  Bika bo kumisa zina ya Yehowa,Sambu zina na yandi mpamba kele ya kuluta kunanguka.+ Bunene na yandi me luta ntoto ti zulu.+ 14  Yandi ta nangula ngolo* ya bantu na yandi,Sambu na lukumu ya bantu na yandi yonso ya kwikama,Ya bana ya Izraele, bantu yina kele pene-pene na yandi. Beno kumisa Yah!*

Banoti na nsi ya lutiti

To “Aleluya!” “Yah” kele zina ya Yehowa na bunkufi.
Na kisina, “zulu ya zulu.”
To “neige.”
Na kisina, “bamwense.”
Na kisina, “kibongo.”
To “Aleluya!” “Yah” kele zina ya Yehowa na bunkufi.