Nkunga 147:1-20

  • Kukumisa bisalu ya zola mpi bisalu ya ngolo ya Nzambi

    • Yandi ke belulaka bantu yina kele na mawa (3)

    • Yandi ke bingaka bambwete yonso na zina na yo (4)

    • Yandi ke tindaka mvula ya mpembe bonso lene (16)

147  Beno kumisa Yah!* Yo kele mbote na kuyimba bankunga* sambu na kukumisa Nzambi na beto;Yo ke pesa kiese mingi mpi yo me fwana kibeni na kukumisa yandi!+   Yehowa ke tunga Yeruzalemi;+Yandi ke vukisa bantu ya Izraele yina me panzanaka.+   Yandi ke belulaka bantu yina kele na mawa;Yandi ke sansaka bamputa na bo.   Yandi ke tangaka ntalu ya bambwetete;Yandi ke bingaka konso mbwetete na zina na yo.+   Mfumu na beto kele nene mpi ngolo mingi kibeni;+Mpila ya kutesa mayele na yandi ya kubakisa mambu kele ve.+   Yehowa ke tombulaka bantu ya kudikulumusa,+Kansi yandi ke losaka bantu ya mbi na ntoto.   Beno yimbila Yehowa bankunga ya kupesa matondo;Beno yimbila Nzambi na beto bankunga ya lukumu ti kidare,   Muntu yina ke fikaka zulu na matuti,Muntu yina ke nokisaka mvula na ntoto,+Muntu yina ke salaka nde matiti kumena+ na bangumba.   Yandi ke pesaka madia na bambisi,+Na bana ya bakwanga-kwanga yina ke lombaka yo.+ 10  Yandi ke monaka ve kiese na ngolo ya mpunda;+Makulu ya ngolo ya muntu ke yitukisaka yandi mpi ve.+ 11  Yehowa ke waka kiese na bantu yina ke waka yandi boma,+Na bantu yina ke vingilaka zola na yandi ya kwikama.+ 12  Pesa Yehowa nkembo, O Yeruzalemi. Kumisa Nzambi na nge, O Sioni. 13  Yandi ke kumisaka ngolo banti ya ke kangaka bakielo ya mbanza na nge;Yandi ke sakumunaka bana na nge na kati na nge. 14  Yandi ke nataka ngemba na teritware na nge;+Yandi ke salaka nde nge fuluka ble ya kuluta kitoko.*+ 15  Yandi ke tindaka nsiku na yandi na ntoto;Ndinga na yandi ke bakaka ntinu nswalu. 16  Yandi ke tindaka mvula ya mpembe* bonso lene;+Yandi ke panzaka masa ya matadi bonso putulu ya tiya.+ 17  Yandi ke nokisaka mvula na yandi ya matadi* bonso bitini ya mampa.+ Nani lenda kanga ntima na madidi na yandi?+ 18  Yandi ke tindaka ndinga na yandi, ebuna yo ke kumaka masa-masa. Yandi ke salaka nde mupepe na yandi kubula,+ ebuna bamasa ke kulumukaka. 19  Yandi ke zabisaka ndinga na yandi na Yakobi,Yandi ke zabisaka bansiku ti balusambisu na yandi na Izraele.+ 20  Yandi me salaka ve mutindu yina na konso dikanda ya nkaka;+Bo me zaba kima ve ya me tala balusambisu na yandi. Beno kumisa Yah!*+

Banoti na nsi ya lutiti

To “Aleluya!” “Yah” kele zina ya Yehowa na bunkufi.
To “kubula miziki.”
Na kisina, “fuluka mafuta ya ble.”
To “neige.”
To “glase na yandi.”
To “Aleluya!” “Yah” kele zina ya Yehowa na bunkufi.