Nkunga 143:1-12

  • Kuvanda na nzala ya Nzambi bonso ntoto ya kuyuma

    • ‘Mono ke yindulula bisalu na nge’ (5)

    • “Longa mono na kusala luzolo na nge” (10)

    • ‘Bika mpeve na nge ya mbote kutwadisa mono’ (10)

Nkunga ya Davidi. 143  O Yehowa, wa kisambu na mono;+Wa kisambu ya mono ke sala sambu na kulomba lusadisu. Na kwikama na nge mpi na lunungu na nge, pesa mono mvutu.   Kusamba ve ti nsadi na nge,Sambu muntu mosi ve ya moyo lenda vanda muntu ya lunungu na ntwala na nge.+   Sambu mbeni ke landa mono;*Yandi me niata luzingu na mono tii na ntoto. Yandi me sala nde mono zinga na mpimpa bonso bantu yina me fwaka ntama.   Mpeve* na mono ke lemba;+Ntima na mono me kuma kizitu na kati na mono.+   Mono ke yibuka bilumbu ya ntama;Mono ke yindulula bisalu na nge yonso;+Mono ke yindulula* ngolo kisalu ya maboko na nge.   Mono ke tandudila nge maboko na mono;Mono* kele bonso ntoto ya kuyuma yina kele na nzala na nge.+ (Sela)   Pesa mono mvutu nswalu, O Yehowa;+Ngolo* na mono me suka.+ Kubumbila mono ve luse na nge,+Kana ve mono ta vanda bonso bantu yina ke kulumuka na dibulu.*+   Sala nde mono wa zola na nge ya kwikama na suka,Sambu mono ke tudila nge ntima. Zabisa mono nzila yina mono fwete tambula,+Sambu mono ke samba nge.*   Katula mono na maboko ya bambeni na mono, O Yehowa. Mono ke sosa lutaninu na nge.+ 10  Longa mono na kusala luzolo na nge,+Sambu nge kele Nzambi na mono. Mpeve na nge kele mbote;Bika yo twadisa mono na ntoto ya kukonda ngumba.* 11  Sambu na zina na nge, O Yehowa, bikisa mono* na luzingu. Na lunungu na nge, katula mono na mpasi.+ 12  Na zola na nge ya kwikama, sukisa* bambeni na mono;+Fwa bantu yonso yina ke niokula mono,*+Sambu mono kele nsadi na nge.+

Banoti na nsi ya lutiti

To “moyo na mono.”
To “Ngolo.”
To “ke longuka.”
To “Moyo na mono.”
Na kisina, “Mpeve.”
To “maziamu.”
To “Sambu mono ke tombula moyo na mono na nge.”
To “na insi ya kusungama.”
To “moyo na mono.”
Na kisina, “kanga munoko ya.”
To “moyo na mono.”