Nkunga 142:1-7
Maskile.* Ya Davidi, ntangu yandi vandaka na dibulu.+ Kisambu.
142 Mono ke binga Yehowa ti ndinga na mono, sambu yandi sadisa mono;+Mono ke bondila Yehowa ti ndinga na mono, sambu yandi monisila mono ntima ya mbote.
2 Mono ke monisa susi na mono na ntwala na yandi;Mono ke tubila mpasi na mono+ na ntwala na yandi
3 Ntangu mpeve* na mono ke lemba na kati na mono.
Ebuna nge ke kengila nzila na mono.+
Na nzila yina mono ke tambula,Bo me bumba mutambu sambu na kukanga mono.
4 Tala na diboko na mono ya kitata mpi monaNde muntu mosi ve ke kudibanza sambu na* mono.+
Kele ve ata ti kisika mosi ya mono lenda tina;+Muntu mosi ve ke kudiyangisa sambu na mono.*
5 O Yehowa, mono ke binga nge sambu nge sadisa mono.
Mono ke tuba nde: “Nge kele kitininu na mono,+Yonso ya mono kele na yo* na insi ya bantu ya moyo.”
6 Tula dikebi na kudila na mono sambu na kulomba lusadisu,Sambu bo me kulumusa mono na nsi kibeni.
Katula mono na maboko ya bantu yina ke monisa mono mpasi,+Sambu bo kele ngolo mingi kuluta mono.
7 Basisa mono* na bolokoSambu mono kumisa zina na nge.
Bika bantu ya lunungu kuvukana na nziunga na mono,Sambu nge me sadila mono mambu ti ntima ya mbote.
Banoti na nsi ya lutiti
^ Tala Bantendula ya Bangogo.
^ To “ngolo.”
^ Na kisina, “ke zaba.”
^ To “moyo na mono.”
^ Na kisina, “Dikabu na mono.”
^ To “moyo na mono.”
