Nkunga 141:1-10

  • Kisambu sambu na kulomba lutaninu

    • “Bika kisambu na mono kuvanda bonso ndumbu” (2)

    • Kusungika ya muntu ya lunungu kele bonso mafuta (5)

    • Bantu ya mbi ta bwa na babukondi na bo mosi (10)

Nkunga ya Davidi. 141  O Yehowa, mono ke binga nge.+ Kwisa kusadisa mono nswalu.+ Tula dikebi ntangu mono ke binga nge.+   Bika kisambu na mono kuvanda bonso ndumbu+ ya bo me yidika na ntwala na nge,+Mpi maboko ya mono me tombula kuvanda bonso makabu ya mbuma ya nkokila.+   O Yehowa, tula nkengidi na kielo ya munoko na mono,Tula nkengidi na bikobo na mono.+   Kubika ve nde ntima na mono kukwenda na konso kima ya mbi,+Na kuvukana na bisalu ya mbi ti bantu ya mbi;Bika mono sala ve nkinsi na madia na bo ya kitoko.   Kana muntu ya lunungu kubula mono, yo ta vanda diambu ya ke monisa zola ya kwikama;+Kana yandi sungika mono, yo ta vanda bonso mafuta na ntu na mono,+Yina ntu na mono ta buya ve ata fioti.+ Mono ta landa kusamba ata ntangu bo ke kutana ti bampasi.   Ata bo me bwisa bazuzi na bo katuka na nsongi ya ditadi,Bantu ta tula dikebi na bangogo na mono, sambu yo ke pesa kiese.   Kaka bonso ntangu muntu ke bundulaka ntoto mpi ke panzaka yo,Mutindu mosi, mikwa na beto me panzanaka na munoko ya Maziamu.*   Kansi meso na mono ke tala nge, O Yehowa Mfumu ya Kuluta Nene.+ Mono me tina na nge. Kubika ve nde mono fwa.*   Tanina mono na bambwanga ya mutambu yina bo me tudila mono,Na mitambu ya bantu ya ke salaka mambi. 10  Bantu ya mbi ta bwa bo yonso na babukondi na bo mosi+Kansi mono ta luta na lutaninu.

Banoti na nsi ya lutiti

To “Sheole,” disongidila, maziamu ya bantu yonso. Tala Bantendula ya Bangogo.
To “Kutiamuna ve moyo na mono.”