Nkunga 139:1-24

  • Nzambi me zaba bansadi na yandi mbote

    • Kisika ya kutina mpeve ya Nzambi kele ve (7)

    • ‘Mono me salamaka na mutindu ya kuyituka’ (14)

    • ‘Nge monaka mono ntangu mono vandaka na kati ya divumu’ (16)

    • “Twadisa mono na nzila ya mvula na mvula” (24)

Sambu na ntwadisi. Ya Davidi. Nkunga. 139  O Yehowa, nge me fimpa mono, mpi nge me zaba mono.+   Nge me zaba ntangu mono ke vandaka mpi ntangu mono ke telamaka.+ Nge ke bakisaka bangindu na mono na ntama.+   Nge ke talaka* mono ntangu mono ke salaka nzietelo mpi ntangu mono ke lalaka;Nge me zaba mbote banzila na mono yonso.+   Na ntwala nde munoko na mono kutuba ngogo mosi,Tala! O Yehowa, nge ke zabaka yo dezia mbote.+   Na nima mpi na ntwala na mono, nge me ziunga mono;Mpi nge me tula diboko na nge na zulu na mono.   Nzayilu ya mutindu yai, mono lenda bakisa yo ve.* Yo kele zulu mingi yo yina mono lenda kuma ve kisika yo kele.*+   Na wapi mono lenda tina mpeve na nge,Mpi na wapi mono lenda bumbana luse na nge?+   Kana mono tombuka na zulu, nge ta vanda kuna,Mpi kana mono tula mbeto na mono na Maziamu,* nge ta vanda kuna.+   Kana mono pumbuka ti mapapu ya sukaSambu na kukwenda kuzinga na nzadi-mungwa yina kele ntama kibeni, 10  Ata kuna diboko na nge ta twadisa monoMpi diboko na nge ya kitata ta simba mono.+ 11  Kana mono tuba nde: “Ya kieleka mudidi ta bumba mono!” Ebuna mpimpa yina kele na nziunga na mono ta kuma nsemo. 12  Ata mudidi ta vanda ve mudidi ya ngolo sambu na nge,Kansi mpimpa ta vanda nsemo bonso na ntangu;+Mudidi ti nsemo kele kiteso mosi sambu na nge.+ 13  Sambu nge salaka bapiku na mono;Nge fikaka mono* na divumu ya mama na mono.+ 14  Mono ke kumisa nge sambu mono me salamaka na mutindu ya ke pesa boma mpi ya kuyituka.+ Bisalu na nge kele ya kuyituka,+Mono* me zaba yo mbote kibeni. 15  Mikwa na mono vandaka ve ya kubumbana na meso na ngeNtangu mono salamaka na kinsweki,Ntangu nge tungaka mono bonso lele na nsi kibeni ya ntoto.+ 16  Meso na nge monaka mono nkutu ntangu mono vandaka na kati ya divumu;Bitini na yo yonso vandaka ya kusonika na mukanda na ngeNa yina me tala bilumbu yina yo salamaka,Na ntwala nde ata kitini na yo mosi kuvanda. 17  Yo yina, bangindu na nge kele mfunu mingi sambu na mono!+ O Nzambi, ntalu na yo kele mingi kibeni!+ 18  Kana mono meka kutanga yo, yo me luta bambuma ya zelo.+ Ntangu mono ke telama, mono kele kaka ti nge.*+ 19  O Nzambi, kana nge fwaka muntu ya mbi!+ Bantu ya mubulu* zolaka kutina mono, 20  Bantu yina ke tubaka mambu ya mbi sambu na nge ti bangindu ya mbi;*Bo kele bambeni na nge yina ke bakaka zina na nge kukonda luzitu.+ 21  O Yehowa, keti mono ke mengaka ve bantu yina ke mengaka nge,+Mpi keti mono ke mengaka ve bantu yina ke kolamaka na ntwala na nge?+ 22  Mono ke mengaka bo mingi kibeni;+Bo me kumaka bambeni kibeni na meso na mono. 23  Fimpa mono, O Nzambi, mpi zaba ntima na mono.+ Tala mono, mpi zaba bangindu ya ke yangisa mono.+ 24  Tala kana na kati na mono kele ti nzila ya ke pesa mpasi,+Mpi twadisa mono+ na nzila ya mvula na mvula.

Banoti na nsi ya lutiti

Na kisina, “ke tesaka.”
To “ke yitukisa mono mingi.”
To “kele mingi kibeni yo yina mono lenda bakisa yo ve.”
To “Sheole,” disongidila, maziamu ya bantu yonso. Tala Bantendula ya Bangogo.
To mbala ya nkaka, “tungaka mono kumosi.”
To “Moyo na mono.”
To mbala ya nkaka, “mono ke landa kutanga yo.”
To “Bantu ya ke tiamunaka menga.”
To “na kulanda bangindu na bo.”