Nkunga 138:1-8

  • Ata Nzambi kele ya kunanguka, yandi ke kebaka bantu

    • ‘Nge ndimaka kisambu na mono’ (3)

    • ‘Ata na kati ya kigonsa, nge ke gulusaka mono’ (7)

Ya Davidi. 138  Mono ta kumisa nge na ntima na mono ya mvimba.+ Na ntwala ya banzambi ya nkaka,Mono ta yimba bankunga ya lukumu.*   Mono ta fukama luse na ndambu ya tempelo na nge ya santu,*+Mpi mono ta kumisa zina na nge+Sambu na zola na nge ya kwikama mpi kwikama na nge. Sambu nge me kembila mambu ya nge ke tubaka mpi zina na nge kuluta bima yonso ya nkaka.*   Na kilumbu yina mono bingaka, nge ndimaka;+Nge kumisaka mono kikesa* mpi ngolo.+   Bantotila yonso ya ntoto ta kumisa nge, O Yehowa,+Sambu bo ta wa balusilu yina nge pesaka.   Bo ta yimba sambu na banzila ya Yehowa,Sambu nkembo ya Yehowa kele nene.+   Ata Yehowa kele na zulu kibeni, yandi ke talaka muntu ya kudikulumusa,+Kansi yandi ke zabaka muntu ya lulendo kaka na ntama.+   Ata ntangu mono ke tambula na kati ya kigonsa, nge ta bikisa mono na luzingu.+ Nge ke tandula diboko na nge sambu na kukanga makasi ya bambeni na mono;Diboko na nge ya kitata ta gulusa mono.   Yehowa ta sala mambu yonso sambu na mono. O Yehowa, zola na nge ya kwikama ke zingaka kimakulu;+Kuyambula ve bisalu ya maboko na nge.+

Banoti na nsi ya lutiti

To mbala ya nkaka, “Sambu na kukolama na banzambi ya nkaka, mono ta budila nge miziki.”
To “kisika na nge ya santu.”
To mbala ya nkaka, “nge me kembila mambu ya nge ke tubaka kuluta zina na nge kibeni.”
To “kumisaka mono kikesa na moyo na mono.”