Nkunga 132:1-18

  • 132 Bo me solaka Davidi mpi Sioni

    • “Kubuya ve muntu yina nge me tulaka mafuta” (10)

    • Banganga-nzambi ya Sioni me lwata luguluku (16)

Nkunga ya Kutombuka. 132  O Yehowa, yibuka DavidiMpi bampasi na yandi yonso;+   Mutindu yandi zengaka kieleka na ntwala ya Yehowa,Mutindu yandi silaka Muntu ya Ngolo ya Yakobi nde:+   “Mono ta kota ve na tenta na mono, na nzo na mono.+ Mono ta lala ve na kiti na mono ya kuladila, na mbeto na mono;   Mono ta pesa ve meso na mono nzila ya kulala,To bikobo ya meso na mono nzila ya kuwa mpongi   Tii kuna mono ta mona kisika sambu na Yehowa,Nzo ya kitoko* sambu na Muntu ya Ngolo ya Yakobi.”+   Tala! Beto waka nsangu na yo na Efrata;+Beto monaka yo na mfinda.+   Beto kota na nzo na yandi;*+Beto fukama na kazune na yandi.+   O Yehowa, telama sambu na kukwisa na kisika na nge ya kupema,+Nge ti Sanduku ya ngolo na nge.+   Bika banganga-nzambi na nge kulwata lunungu,Mpi bika bantu na nge ya kwikama kutula milolo ya kiese. 10  Sambu na nsadi na nge Davidi,Kubuya ve* muntu yina nge me tulaka mafuta.+ 11  Yehowa pesaka Davidi lusilu;Yandi ta yambula ve ata fioti lusilu na yandi: “Mono ta tula mosi na kati ya bana na nge*Na kiti na nge ya kimfumu.+ 12  Kana bana na nge kuzitisa kuwakana na monoMpi bangibusa na mono yina mono ke longa bo,+Bana na bo mpiTa vanda na kiti na nge ya kimfumu kimakulu.”+ 13  Sambu Yehowa me solaka Sioni;+Yandi ke zolaka mingi nde yo vanda kisika yina yandi ke zingaka:+ 14  “Yai kisika na mono ya kupema kimakulu;Mono ta zingaka awa,+ sambu yo kele kima ya mono ke zolaka. 15  Mono ta sakumuna yo mpi ta pesa yo madia mingi;Mono ta fulusa bansukami na yo ti mampa.+ 16  Mono ta lwatisa banganga-nzambi na yo luguluku,+Mpi bantu na yo ya kwikama ta tula milolo ya kiese.+ 17  Kuna mono ta sala nde ngolo* ya Davidi kukuma mingi. Mono me yidikila muntu yina mono me tulaka mafuta mwinda.+ 18  Mono ta lwatisa bambeni na yandi nsoni,Kansi mpu ya kimfumu ya kele na ntu na yandi ta basisa bintuntu.”+

Banoti na nsi ya lutiti

To “Nzo-tenta ya nene.”
To “nzo-tenta na yandi ya nene.”
Na kisina, “Kumenga ve luse ya.”
Na kisina, “ya mbuma ya divumu na nge.”
Na kisina, “kibongo.”