Nkunga 130:1-8
Nkunga ya Kutombuka.
130 O Yehowa, mono ke binga nge katuka na bisika ya mudindu.+
2 O Yehowa, wa ndinga na mono.
Bika makutu na nge kutula dikebi na bisambu ya mono ke sala sambu na kulomba lusadisu.
3 Kana nge vandaka kutala* bifu, O Yah,*O Yehowa, nani lendaka kutelama?+
4 Sambu nge ke lolulaka na masonga yonso,+Sambu bantu kuwa nge boma.+
5 Mono ke tula kivuvu na Yehowa, mono* ke tula kivuvu na yandi;Mono ke vingila ndinga na yandi.
6 Mono* ke vingila Yehowa ti nzala ya ngolo,+Kuluta mutindu bankengidi ke vingilaka suka,+Ee, kuluta mutindu bankengidi ke vingilaka suka.
7 Bika Izraele kulanda kuvingila Yehowa,Sambu Yehowa kele ya kwikama na zola na yandi,+Mpi yandi kele ti ngolo mingi ya kusumba diaka bantu na yandi.
8 Yandi ta sumba diaka bantu ya Izraele na bifu na bo yonso.
Banoti na nsi ya lutiti
^ To “kulanda kutala.”
^ “Yah” kele zina ya Yehowa na bunkufi.
^ To “moyo na mono.”
^ To “Moyo na mono.”
