Nkunga 13:1-6

  • Kuvanda ti nzala ya ngolo ya luguluku ya Yehowa

    • “O Yehowa, tii nki ntangu?” (1, 2)

    • Yehowa ke pesaka matabisi mingi kibeni (6)

Na ntwadisi. Nkunga ya Davidi. 13  O Yehowa, tii nki ntangu nge ta vila mono? Kimakulu? Tii nki ntangu nge ta bumbila mono luse na nge?+   Tii nki ntangu mono* ta kudiyangisa,Ti mawa na ntima na mono konso kilumbu? Tii nki ntangu mbeni na mono ta nunga mono?+   Tala mono mpi pesa mono mvutu, O Yehowa Nzambi na mono. Pesa meso na mono nsemo, sambu mono fwa ve,*   Sambu mbeni na mono kutuba ve nde: “Mono me bedisa yandi!” Kubika ve nde bambeni na mono kuwa kiese sambu na kubwa na mono.+   Kansi mono, mono ke tula ntima na zola na nge ya kwikama;+Ntima na mono ta wa kiese sambu nge ke gulusaka.+   Mono ta yimbila Yehowa, sambu yandi me pesa mono matabisi mingi kibeni.*+

Banoti na nsi ya lutiti

To “moyo na mono.”
Na kisina, “lala ve na lufwa.”
To “yandi me sadila mono mambu bonso muntu ya ke pesa mono matabisi.”