Nkunga 12:1-8
-
Yehowa me telama sambu na kusala diambu
-
“Mambu yina Yehowa ke tubaka kele bunkete” (6)
-
Na ntwadisi; sambu yo wakana ti Sheminiti.* Nkunga ya Davidi.
12 Gulusa mono, O Yehowa, sambu muntu ya kwikama kele diaka ve;Bantu ya kwikama me vila na kati ya bantu.
2 Bo ke kusana-kusana;Bo ke leba ti bikobo na bo* mpi bo ke tuba ti bantima* ya ke kusa.+
3 Yehowa ta katula bikobo yonso ya ke lebakaMpi ludimi yina ke kudikumisaka mingi,+
4 Bantu yina ke tuba nde: “Beto ta nunga ti baludimi na beto.
Beto ta sadila bikobo na beto mutindu beto me zola;Nani ta vanda mfumu na beto?”+
5 “Sambu bo ke niokula bantu ya ke mona mpasi,Sambu na kudila ya nsukami,+Mono ta telama sambu na kusala diambu,” Yehowa muntu me tuba.
“Mono ta gulusa bo na bantu yina ke sadila bo mambu ti kuvweza.”*
6 Mambu yina Yehowa ke tubaka kele bunkete;+Yo kele bonso arza ya bo me kumisa bunkete na fulu ya tiya ya bo me sala ti ntoto,* yina bo me kumisa bunkete mbala nsambwadi.
7 Nge ta keba bo, O Yehowa;+Nge ta tanina konso muntu na kati na bo kimakulu na ndonga yai ya bantu.
8 Bantu ya mbi ke tambula kukonda kudiyala,Sambu bana ya bantu ke siamisa mambu ya mbi.+
