Nkunga 102:1-28

  • Kisambu ya muntu ya bo ke niokula yina me konda kivuvu

    • “Mono kele bonso ndeke yina kele yo mosi” (7)

    • ‘Bilumbu na mono kele kivudi yina ke vila’ (11)

    • “Yehowa ta tunga diaka Sioni” (16)

    • Yehowa ta bikala kimakulu (26, 27)

Kisambu ya muntu yina bo ke niokula ntangu yandi me konda kivuvu* mpi ke zabisa Yehowa mambu yina ke yangisa yandi.+ 102  O Yehowa, wa kisambu na mono;+Bika kudila na mono sambu na kulomba lusadisu kukumina nge.+   Kubumbila mono ve luse na nge ntangu mono kele na mpasi.+ Tudila mono dikutu;*Pesa mono mvutu nswalu ntangu mono ke binga nge.+   Sambu bilumbu na mono ke vila bonso midinga,Mpi mikwa na mono ke pela bonso mumbunda ya tiya.+   Ntima na mono me lemba bonso matiti mpi yo me yuma,+Sambu mono me vila kudia madia na mono.   Sambu mono ke dila ngolo,+Mikwa na mono me kangama na nsuni na mono.+   Mono me fwanana ti pelikane ya ntoto-makanga;Mono kele bonso kikungulu ya fioti na bisika yina me bebaka.   Mono ke lala ve mpongi;*Mono kele bonso ndeke yina kele yo mosi na ludi.+   Bambeni na mono ke sosila mono kilumbu ya mvimba.+ Bantu yina ke seka mono* ke sadila zina na mono ntangu bo ke singa.   Sambu mono ke dia putulu ya tiya bonso dimpa,+Mpi bima ya mono ke nwa me vukana ti mansanga,+ 10  Sambu na nganzi na nge mpi makasi na nge,Sambu nge nangulaka mono kaka sambu na kulosa mono. 11  Bilumbu na mono kele bonso kivudi yina ke vila,*+Mpi mono ke yuma bonso matiti.+ 12  Kansi nge ke bikalaka kimakulu, O Yehowa,+Mpi lukumu* na nge ta zinga tii na bandonga yonso ya bantu.+ 13  Ya kieleka nge ta telama mpi ta wila Sioni mawa,+Sambu yo kele ntangu ya kumonisila yo ntima na nge ya mbote;+Ntangu ya bo me tulaka me lunga.+ 14  Sambu bansadi na nge ke monaka kiese na matadi na yo+Mpi bo ke zolaka ata mfututu na yo.+ 15  Makanda ta wa zina ya Yehowa boma,Mpi bantotila yonso ya ntoto ta wa nkembo na nge boma.+ 16  Sambu Yehowa ta tunga diaka Sioni;+Yandi ta monika na nkembo na yandi.+ 17  Yandi ta tula dikebi na kisambu ya bantu yina bo me bikisa maboko mpamba;+Yandi ta vweza ve kisambu na bo.+ 18  Bo me sonika mambu yai sambu na ndonga ya bantu yina ke kwisa,+Sambu bantu yina me butuka* ntete ve kukumisa Yah. 19  Sambu yandi ke tala na nsi kuna na kisika na yandi ya kunanguka ya santu,+Yehowa ke monaka ntoto kuna na zulu, 20  Sambu na kuwa kudila ya muntu ya boloko,+Sambu na kugulusa bantu yina bo me zengila nkanu ya lufwa,+ 21  Yo yina bo ta zabisa zina ya Yehowa na Sioni+Mpi lukumu na yandi na Yeruzalemi, 22  Ntangu bantu mpi bimfumuKe vukana sambu na kusadila Yehowa.+ 23  Yandi yibaka ngolo na mono na ntwala nde ntangu kulunga;Yandi kumisaka bilumbu na mono nkufi. 24  Mono tubaka nde: “O Nzambi na mono,Kufwa mono ve na kati-kati ya luzingu na mono,Nge muntu yina bamvula na nge ke vandaka na bandonga yonso ya bantu.+ 25  Nge tulaka bafondasio ya ntoto katuka ntama,Mpi zulu kele kisalu ya maboko na nge.+ 26  Yo ta fwa, kansi nge, nge ta bikala;Kaka bonso lele, yo yonso ta nzuluka. Kaka bonso lele, nge ta yingisa yo, mpi yo ta fwa. 27  Kansi nge kele kaka kiteso mosi, mpi bamvula na nge ta sukaka ve ata fioti.+ 28  Bana ya bansadi na nge ta zinga na lutaninu,Mpi bo ta kumisa bana na bo ngolo na ntwala na nge.”+

Banoti na nsi ya lutiti

To “me lemba.”
To “Fumbama mpi widikila mono.”
To mbala ya nkaka, “Mono me konda mingi.”
To “ke sakana ti mono.”
To “ke kuma nda.”
To “zina.” Na kisina, “ngibusa.”
Na kisina, “me gangama.”